På vegne av forslagsstillar Mulagata Eiendom AS blir det varsla om endring av reguleringsplan i samsvar med plan- og bygningslova § 12-14 2. ledd, for ein avgrensa del av reguleringsplan «Ølen Sentrum del 1» planID 2003-26-01 i Vindafjord kommune, gnr. 290 bnr. 155. Planavgrensinga for endringa er vist med rødt, sjå Figur 1.
1.0 FORHOLDET TIL GJELDANDE REGULERINGSPLAN
I gjeldande reguleringsplan «Ølen Sentrum del 1» planID 2003-26-01 vedtatt 13.06.2000, sjå Figur 1, er planområde regulert til forretning, kontor og lett industri, aleine eller i kombinasjon med bustad. Området er i nytt forslag planlagt til bustad (som einaste arealformål) med tilhøyrande anlegg.
Figur 1: Gjeldande reguleringsplan FØR endringa, endringsområde merket rødt.
Livsverk Arkitektur AS
2.0 REGULERINGSENDRINGA
Tiltakshavar ønskjer å leggje til rette for ei fortetting av eigedomen ved å endre gjeldande reguleringsføremål frå forretning, kontor og industri (FKI) til bustadføremål. Føremålet med reguleringsendringa er å etablere inntil 8 bueiningar med tilhøyrande fellesanlegg.
Bustadmassen i Ølen sentrum er i dag dominert av einebustader. Planendringa vil bidra til eit meir variert bustadtilbod i sentrumsnære område og er i tråd med kommunen sitt mål om auka bustadvariasjon og fortetting nær sentrum, slik dette kjem fram av Bustadanalyse for Vindafjord kommune.
Planområdet omfattar éi regulert byggjetomt. Eksisterande bygning er planlagt ombygd og tilpassa bustadføremål med inntil 8 bueiningar. Som del av tiltaket skal det etablerast felles bodanlegg, renovasjonsløysing, minimum 1,0 parkeringsplass per bueining, minimum 16 sykkelparkeringsplassar og felles uteopphaldsareal, inkludert nærleikeplass. Tilhøyrande reguleringsføresegner blir reviderte og tilpassa den nye arealbruken.
Parkeringsløysingane og omfanget av felles uteopphaldsareal er planlagt i samsvar med gjeldande krav i kommuneplanens arealdel og regional ATP-plan.
Figur 2: Gjeldande reguleringsplan "ETTER" endringa.
Livsverk Arkitektur AS
3.0 KOMPLETT PLANMATERIALE OG KONTAKTINFORMASJON
Under føljer ei liste på komplett planmateriale:
Eventuelle merknader til planendringa skal sendast innan 19.08.2025 til: Livsverk Arkitektur AS på e-post: thorbjorn@livsverk-arkitektur.no
Det blir gjort merksam på at endring av plan etter plan- og bygningslova § 12-14 medfører at forslag til endring blir sendt direkte på uttale, etter ein forenkla planprosess. Om det ikkje kjem vesentlege merknader, blir endringa behandla med delegert styresmakt frå kommunestyret, jf. PBL § 12-14 2. ledd.
Samstundes varslast det om utlegging av teikningsmateriale for rammesøknad for bygninga og fellesanlegga. Planendring og rammesøknad leverast inn til Vindafjord kommune for separate behandlingar, først behandlast og vedtakast planendringa, deretter behandlast og vedtakast rammesøknad.
Ved ytterlegare spørsmål kan ein venda seg til kontaktperson: Thorbjørn Højgaard, Mob. 96 94 01 72 eller E-post: thorbjorn@livsverk-arkitektur.no