Koordinator har fleire oppgåver, kor det å hjelpa kommunen i arbeidet med oppfølging av vassforskriftsarbeidet er ein vesentlig del. Det omfattar mellom anna
- Utarbeida dokument i samband med søknadar, anbod, rapportering og så vidare.
- Delta i gjennomføring av tiltak
- Gjennomføra årleg overvaking av vassførekomstar
- Stilla med fagleg kompetanse i kommunale saker
I tillegg er koordinator si rolle å legga til rette for medverknad og engasjement frå jeger- og fiskerforeiningar, grunneigarlag, bønder, grunneigarar og andre med interesse for godt vassmiljø.
Har du spørsmål eller innspel, ta gjerne kontakt med vassområdekoordinator Sven-Kato Ege eller Hans Olav Stuhaug på Eining areal og forvaltning.
Vassforvaltingsarbeidet er eit resultat av Noreg si implementering av EU sitt vassrammedirektiv gjennom ei eiga nasjonal vassforskrift i 2007. I motsetnad til dei andre kommunane på Haugalandet, er Vindafjord delt mellom to vassområde.
Vatnet som drenerer til Boknafjordbassenget ligg i Haugaland vassområde, mens vatnet som drenerer til Sunnhordlandbassenget, ligg i Sunnhordland vassområde. Både Haugaland og Sunnhordland vassområde har eigne vassområdekoordinatorer, om enn med ulik stillingsbrøk.
Vassforskrifta sitt mål er å sikra eit mest mogeleg heilheitleg vern og berekraftig bruk av vatn.
Det betyr at me skal kunna bruka vassførekomstar (elvar, innsjøar, fjordar og så vidare) til rekreasjonsaktivitetar og næring utan å måtta bekymra oss for om vatnet er forureina, men også ta vare på og restaurera vassdrag for artar som lever der.
Målet er at alle vassførekomstar i Vindafjord skal ha god økologisk og kjemisk tilstand.
Kommunen pliktar å følga opp tiltak innanfor sitt sektorregelverk, og jobbar aktivt for å nå miljømåla som er sett. Blant anna har kommunen (i samarbeid med bønder, grendeutval med fleire) gjennom Aksjon Vatsvassdrag arbeidd for å avgrense næringsavrenning til vassdrag i Vats.
Kommunen har også følgt og sanert utslepp til den høgt prioriterte Ølsfjorden. Overvaking av miljøtilstand i Vatsvassdraget viser betydeleg betring.
Vidare har kommunen fleire prosjekt og tiltak som skal bidra til betra vasskvalitet slik at miljømåla blir nådd:
Vindafjord bidrar saman med dei andre kommunane på Haugalandet i spleiselaget til prosjektet. Det har som mål å minimera næringsavrenning frå jordbruk og hindra og gjenoppretta unødvendige inngrep i vassdrag med bakgrunn i auka kunnskap hos bønder.
Saman med Frivillige tiltak i landbruket på Haugalandet og Tysvær kommune, har kommunen nå fokus på å hindra næringsavrenning til Skjoldafjorden.
Fjorden og tilløpsbekkane er spesielt viktige oppvekst- og leveområde for sjøaure i fylket.
Dei siste åra har ein fått kartlagt leveområda til sjøauren i svært mange vassdrag i Vindafjord. Kommunen er den best kartlagde kommunen i Rogaland med omsyn til sjøaure. I rapportane frå kartleggingane blir det føreslått ei rekke tiltak for å betra forholda for sjøauren. Det er i tråd med vassforskrifta sitt mål om god økologisk tilstand.
Kommunen jobbar tett med Vindafjord Jakt- og Fiskelag, ulike grunneigarlag, bønder, grunneigarar, Haugaland vassområde og Frivillige tiltak i landbruket på Haugalandet i tiltaksgjennomføringa som starta i 2021.