Kven har stemmerett?
- Du som er norsk statsborgar.
- Du som har fylt 18 år innan utgangen av 2025.
- Du som er, eller har vore, registrert i folkeregisteret som busett i Norge
Står du i manntalet?
Alle veljarar som har stemmerett og er busett i Norge, står i manntallet i den kommunen dei var registrert busett i den 30. juni 2025.
Har du flytta, og folkeregisteret ikkje har mottatt flyttemelding innan 30. juni 2025, står du framleis oppført i kommunen du flytta frå. Du kan då velja om du vil stemma på valdagen i den kommunen du flytta frå eller om du vil førehandsstemma.
Manntalet blir lagt ut til offentleg ettersyn frå det er klart, rundt 10. juli og til og med valdagen 8. september, på servicetorget ved rådhuset i Ølen. Du kan sjekka om du er oppført i manntalet ved å ringja Servicetorget på telefon
53 65 65 65, eller ved å møta opp personleg.
Dersom du meiner du er feil innført i eller utelatt frå manntalet, kan du krevje feilen retta. Krav om retting gjeld feil, ikke i forhold til flytting etter 30. juni 2025.
Krav om retting skal væra skriftleg og grunngjeve.
Kravet kan sendast til postmottak@vindafjord.kommune.no, eller til Valstyret, Vindafjord kommune, Rådhusplassen 1, 5580 Ølen.
Manntalet for sametingsvalet
Sametingets valmanntall er òg tilgjengeleg for gjennomsyn på Servicetorget på rådhuset. Du kan komma innom eller ringja. Manntalet er tilgjengeleg til og med valdagen.
Du kan krevja retting dersom du meiner det er feil i manntalet. Dette kan du gjera ved å senda krav om retting til Sametinget på følgande adresse:
Sametinget
Postboks 3
9730 Karasjok
Du kan òg bruke Sametinget si e-dialog-teneste som du finner på Sametinget si nettside sametinget.no.
Kravet skal vera skriftleg og grunngjeve.