Ansvarleg for flyktningarbeidet
Integreringstenesta koordinerer flyktningarbeidet i Vindafjord kommune.
Kontakt avdelingsleiar for integreringstenesta, Miriam Aareskjold dersom du har spørsmål eller innspel. Ho kan nås på telefonnummer 41 28 77 22, eller e-post miriam.aareskjold@nav.no.
Korleis melder eg frå om ledig bustad?
Registrering av flyktningar
Nasjonalt Ankomstsenter i Råde kommune er i utgangspunktet første stoppestad for asylsøkarar som kjem til Norge. Ankomstsenteret ligg under Utlendingsdirektoratet (UDI).
Ukrainarar med familie og vener i Noreg kan på eiga hand ha funne privat innkvartering i ein bustad. Dei treng ikkje å reisa til Nasjonalt Ankomstsenter for å registrera seg.
Flyktningane må snarast mogleg ta kontakt med Sør-Vest politidistrikt ved Jæren politistasjon for registrering og søknad om kollektiv beskyttelse.
Informasjon frå politiet om situasjonen i Ukraina.
Busetting av flyktningar som finn bustad på eiga hand.
Når flyktningane har registrert seg, kan kommunen avtala busetting med IMDi (integrerings- og mangfaldsdirektoratet). Dette vil gje den enkelte person rett til norskopplæring og introduksjonsprogram, og kommunane vil få rett til integreringstilskot.
Søknad om asyl utløyser også utvida rettar i forhold til helse- og sosialtenester.
Kven gjer kva?
- Politiet registrerer søknadar om asyl.
- UDI gir vern og sørger for innkvartering i ulike mottakssenter.
- IMDi koordinerer busetting- og integreringsarbeidet.
- Kommunane gir tenester til dei som bur i mottak eller akuttinnkvartering, og buset og integrerer flyktningar etter avtale med IMDi.