Skjold

Her finn du Skjold på kartet

Skjold skule er den største skulen i Vindafjord, ein kombinert barne- og ungdomsskule, som i tillegg også tar imot ungdomsskuleelevar frå Vats og Vikebygd.

Bygda har sentralbaneanlegg, bygdahus og idrettshall, Skjold Arena, lokalisert ved skulen. Her ligg også Skjold barnehage.

Næringslivet, i tillegg til jordbruket, er mellom anna knytt  til mindre handverksbedrifter, bygg og anlegg, handel, legesenter og bank med Isvik som bygdesenter like ved E 134.

Skjold kyrkje er eit praktbygg. I tillegg til kyrkjelege handlingar, vert kyrkja mykje nytta til kulturverksemd, konsertar og kunstutstillingar.

Stadnamna Haraldseid og Haraldseidvågen er knytt til soga om kong Harald Hårfagre. Historikarar er i ferd med å lokalisere traseen til det dei reknar med kan vere eit dragseid mellom Ålfjorden og Skjoldafjorden.

Eit dragseid er ein veg der ein drar båtar over land, til dømes over eidet mellom to fjordar. Eit slikt dragseid (holveg) finn me også restar av i Sandeid.

Grendaside for Skjold

Bygdelag og leiarar