10 passasjerar på dei tre handlebussane fredag

Seks passsjerar kosta seg i Drøsestova med denne flotta kaka i Vikebygd. Gunn Vikingstad Frå fredag 6. mai tok Kolumbus over drifta av Handlebussen, og me har nå tre ruter i kommunen.  Dette er så kjekt at kommunen spanderte kake på alle dei tre butikkane, til glede for handlebusspassasjerar og andre kundar utover dagen.

Joker Vats hadde ordna flott kakebord midt i butikken, og både passasjerar, butikk, Kolumbus og kommunen koste seg med kake og gleda av eit slikt tilbod også i Vats. Stemninga var like god både i Vikebygd og Imsland.

Ikkje alle var klare til å bli med på første tur, og tre av dei faste passasjerane måtte senda handlelister på grunn  av sjukdom. Me håper å sjå fleire passasjerar allereie neste fredag.