Kommuneplan sin arealdel (KPA) blir lagt fram for andregangsbehandling i formannskapsmøtet den 09.06.2026.
KPA blei førstegangsbehandla i formannskapet den 10.12 2024 (dokumenta i saka ligg her: Formannskap 10.12.2024 og KPA var på høyring frå 19.02.2025 til 22.04.2025 (utsett frist til 15.05.2025). Alle høyringssvar ligg her: Postliste - Vindafjord kommune
Kommunedirektøren føreslår fleire endringar i KPA som følgje av motsegner og høyringssvar som kom i høyringa i 2025. Desse endringsforslaga blir nå oversendt til styringsgruppa og gjort tilgjengeleg her på heimesida til kommunen.
Oppdaterte plandokument med saksframlegg, planskildring, plankart, føresegner og KU og ROS vil bli sendt ut i veke 21 (18-22.05).
Styringsgruppa skal gå gjennom følgande dokument:
I dokumenta får de informasjon om høyringssvar med og utan motsegn og kommunedirektøren si vurdering av desse. På alle høyringssvar som gjeld spesifikke område er det lagt inn ei kartlenke til området det gjeld.
Med desse dokumenta får de oversikt over endringane som kommunedirektøren føreslår frå første- til andregangsbehandling. Desse dokumenta fungerer også som grunnlag for styringsgruppemøtet den 12.05.2026. I dette styringsgruppemøtet vil administrasjonen gå gjennom dei føreslått endringane og de vil ha høve til å stille spørsmål. Det vil også vere høve til å sende inn spørsmål til administrasjon om KPA til formannskapsmøtet den 02.06.2026.
Merk at alle dokumenta som blir sendt ut nå er førebelse og ikkje grundig korrekturlest. Det kan komme til endringar fram til innkallinga til formannskapsmøtet 09.06.26 blir sendt ut.
Planprogram
Før planarbeidet starta blei det utarbeida eit planprogram. Planprogrammet er oppskrifta for planarbeidet.
I planprogrammet er det forslag til:
- Prosess og organisering av arbeidet (politisk og administrativt)
- Satsingsområde
- Medverknad
- Framdriftsplan
Planprogrammet blei vedtatt i kommunestyret 22.06.2021.
Samfunnsdel med arealstrategiar
Kommunestyre i Vindafjord vedtok i møte 18.06.2024, sak 033/24, Kommuneplan for Vindafjord kommune 2024-2036, samfunnsdel med arealstrategiar.
Les kommuneplanen her
Planen i PDF (PDF, 3 MB)
Følg med på denne sida framover, og me vil halda deg orientert om prosessen vidare.
Meir om dei nye satsingsområda
