Informasjon frå Kartverket
I samband med adressering i Vindafjord kommune har kommunen teke opp namnesak for stadnamnet Jupevik/Djupevik, jf. brev datert 14.04.2026. Kartverket nyttar samstundes høvet til å reisa namnesak for nokre fleire namn som har skrivemåtestatusen 'føreslege' i Sentralt stadnamnregister (SSR).) I tillegg til primærnamna tek me avleidde namn med i saka, jf. § 8 siste ledd i forskrift om stadnamn. Saka vert teken opp for å få avklart og formalisert rett skrivemåte for offentleg bruk.
Kartverket sender med dette saka på lokal høyring i kommunen, jf. § 8 i lov om stadnamn.
Det går fram av den vedlagde lista kva for nokre namn som er med i saka. (PDF, 53 kB)
For fleire opplysningar om namna, sjå innsynsløysinga for SSR: https://stadnamn.kartverket.no/fakta.
https://stadnamn.kartverket.no/fakta/115458
Tips: Ved å tilføye oppslagsnummeret bak fakta, som vist i eksempelet over, så kjem du direkte til det aktuelle namnet i innsynsløysinga for SSB.
Somme bruksnamn står berre i matrikkelen, og er søkbare i Eigedomsregisteret: https://eiendomsregisteret.kartverket.no. Søk på: gnr./bnr., namnet på kommunen, t.d. 184/1, Vindafjord.
Lokal høyring
Kartverket har vedtaksrett for skrivemåten av m.a. naturnamn, nedervde gards- og bruksnamn, stølsnamn og statlege anlegg. Før me gjer vedtak, har kommunen rett til å uttala seg. Eigarar og festarar har rett til å uttala seg om gardsnamn og bruksnamn, og lokale organisasjonar har rett til å uttala seg om skrivemåten av namn som dei har serleg tilknyting til. Saker som gjeld bruksnamn, skal eigarane få tilsende direkte frå kommunen. Det går fram av den vedlagde lista kva for nokre bruk dette gjeld.
Etter lova skal skrivemåten fastsetjast med utgangspunkt i den nedervde, lokale uttalen av namnet. Difor bed me om at alle som uttalar seg, opplyser kva som er den lokale dialektuttalen. Dersom namnet vert uttalt på ulike måtar, bed me om å få opplyst dei ulike uttaleformene.
Normeringsprinsipp
I tillegg til å ta utgangspunkt i den nedervde, lokale uttalen, skal ein som hovudregel fylgja gjeldande rettskrivingsprinsipp ved normering av stadnamn, jf. § 4 fyrste ledd i lov om stadnamn. Skrivemåten skal vera praktisk og ikkje skyggja for meiningsinnhaldet i namnet. I utfyllande reglar om skrivemåten av norske stadnamn er det meir detaljerte føresegner om korleis stadnamn skal normerast.
Skrivemåten av primærnamnet vil normalt vera retningsgjevande for skrivemåten av det same namnet i andre funksjonar, t.d. for adressenamn som er like eller avleidde av namnet, jf. § 4 tredje ledd i lova. Kommunen må difor ta omsyn til den vedtekne skrivemåten av primærnamnet når dei ev. skal gjera vedtak.
Inntil namnesaka er ferdig handsama, kan kommunen ev. fastsetja eit mellombels adressenamn, jf. kap. 6.6 i Adresserettleiaren.
Vidare saksgang
Kommunen har ansvaret for å kunngjera at namnesaka er reist, t.d. med notis i lokalaviser og på nettsidene sine. Kommunen har òg ansvaret for å henta inn og samordna dei lokale høyringssvara. Kvar av partane har to månader på seg til å gje høyringssvar frå dei får saka.
Høyringssvara skal sendast til Språkrådet, Postboks 1573 Vika, 0118 Oslo (post@sprakradet.no), med kopi til Kartverket.
Kommunen må gjennomføra høyringa og senda høyringssvara til Språkrådet innan tre månader frå dei får dette brevet. Språkrådet vil så gje endeleg tilråding til Kartverket.
For fleire opplysningar om saksgang, kontakt Kartverket på telefon 32 11 80 00. For namnefaglege spørsmål, kontakt Språkrådet på telefon 22 54 19 50.
Lenker
Vedlegg