Målretta hjorteviltforvaltning krev årleg innsamling av informasjon om bestandstettleik og bestandsstruktur i kombinasjon med effektiv hausting
Innsamling og systematisering av jegerobservasjoner skjer på Hjorteviltregisteret.no, eller på appen Sett og skutt.
Det er og mogleg å sende papirskjema med sett hjort-data til kommunen.
Sett hjort-skjema (PDF, 162 kB)
Kommunen oppmodar om å nytte sett hjort-skjemaet aktivt i hjortejakta, slik at datagrunnlaget for ei god forvaltning for framtida vert enno betre. Fyll ut sette og felte dyr kvar gong du har vore ute på jakt – også når du ikkje har observert dyr. Hugs og tal jegerar og tal timar de har jakta.
Sett og skutt
Sett hjort-data og slaktevekter kan registrerast digitalt på appen Sett og skutt. Denne løysinga er tilpassa både PC, nettbrett og smarttelefon.
Data må godkjennast i hjorteviltregisteret før dei vert tilgjengelege i statistikken. Valdleiar kan få tilgong til godkjenning av registrerte data i hjorteviltregisteret.
Det er framleis mogleg å nytte papirskjema. Slaktevektdata må då førast på tilleggsskjema.
Slaktevektkskjema hjort (PDF, 129 kB)
Digitalt registrerte data vert tilgjengelege på hjorteviltregisteret.no så snart dei er godkjende av valdleiar eller kommunen. Data frå papirskjema blir lagt inn i registeret i løpet av våren året etter jakta.
I hjorteviltregisteret finn du Sett hjort- data og slaktevekter frå 2008.
Nyttige lenker
Hjorteviltportalen
Miljødirektoratet, rapportering av felling og fangst