Forvaltingsmål for hjort

Vindafjord kommune vedtok 10. januar 2019 vidareføring av følgande overordna mål som forvaltningmål for hjort i Vindafjord:

Bestandane av hjort skal stabiliserast innanfor eit nivå som til einkvar tid blir vurdert som berekraftig av kommunen, både i høve til bestandens kvalitet og i høve til verksemda i andre samfunnssektorar.
Hjortebestandane skal ha ein biologisk forsvarleg kjønns- og aldersstruktur og oppretthalda sin genetiske variasjon.
Hjortebestandane skal ikkje representere ein trussel mot anna biologisk mangfald.
Hjortebestandane skal gi mest mogeleg stabil avkasting som grunnlag for ei sunn økonomisk og rekreasjonsmessig utnytting.
Regionen har som overordna mål at ein ønsker større dyr i framtida (auka kroppsvekt/ slaktevekt).
Regionen har også som mål å redusera skadeomfanget knytt til skog og jord og ha færre trafikkdrepne hjort.

Kommunen slutta seg i 2014 til måla i Hjorteviltplan for Det interkommunale Hjorteviltutvalet 2013-2015, vedtatt av Det interkommunale hjorteviltutvalet i 2013.

Etter oppdrag frå Hjorteviltutvalet har Norsk Hjortesenter i 2018 gjort ei evaluering i forhold til måloppnåing av fire utvalde delmål frå planen:

Auka gjennomsnittsalderen til dei vaksne dyra i bestanden
Forbetra kjønnsbalansen i bestanden
Auka slaktevekt på kalvar og ungdyr
Auka produktivitet i bestanden

Som bakgrunn for Norsk Hjortesenter si vurdering av bestandsutviklinga i forhold til desse utvalde måla, er det brukt nyaste tilgjengelege data. Mellom anna Sett hjort, fellingsstatistikk og statistikk over trafikkdrepne dyr.

Jaktuttak

Vurderingane, med råd om korleis bestanden i regionen bør forvaltast dei første 5 åra for å nå desse delmåla, er presenterte i dokumentet Forvaltningsmål for hjorten på Haugalandet 2018-2023 (PDF, 3 MB). Det blei vedtatt av Det interkommunale hjorteviltutvalet i 2018.

I følge måldokumentet bør det årlege jaktuttaket ha ei slik fordeling (pkt. 9:2):

Minimum 35 prosent kalv av samla uttak
Maksimum 15 prosent eldre hanndyr
Maksimum 15 prosent spissbukk
Minimum 35 prosent hodyr 1,5 år og eldre

Dokumentet rår til å halda avskytingsprofilen lik, og at meir lokale tilpassingar blir gjort gjennom totaluttaket.

Kommunen vedtok 10. januar 2019 å bruka dette dokumentet som styringsverktøy for forvaltinga av hjort i Vindafjord.

Sist endra 15.01.2024 21.22

Jaktuttak

Kontaktinformasjon