Tilkomst og parkering
Ta av frå E 134 til Skjold i plankryss, følg skilt til Skjold i etterfølgjande rundkøyring. Køyr om lag 1 kilometer til skilt til Vikaneset på venstre side. Parkeringsplass ligg på høgre side oppe i bakken.
Om turen
Start og slutt på Vikaneset. Turen er ein runde rundt gartneriet i Skjold, med eventuelt tilleggstur til Likvik.
Turen startar ved å går ned til skulen, ta til venstre på grusveg og følg denne bort til Skjoldavikvegen. Ta så til høgre og følg fortauet fram til rundkøyringa. Her tar du ned til busstopp ved E 134 og følgjer grusveg langs E 134 forbi drivhusa og bort til tunnelopninga av Vikanestunnelen. Der er turkassen. Her ligg også gamle gravplassar, og eit parkanlegg som vart laga i samband med ny E 134. Ta opp til skulen igjen og opp til parkeringa.
Om du vil ha ein lengre tur kan du at turen nedom Likvik: Forbi Skjold Arena og barnehagen, utover Vikaneset til vegen deler seg. Ta til høgre, så til venstre etter om lag 150 meter inn på grusa turveg. Følg denne ned til Likvik. Litt bratt bakke ned. Du kan også gå vidare 100 meter ned mot båthamna og ta til venstsre på ein mindre bratt turveg. I Likvik er det strand, benkar, gapahauk, grillar og toalett.
Terreng
Ein del flate parti, men også nokre bakker. Både asfalt og grus.
Avstand
2,4 kilometer (rundturen).
Tidsbruk
45 minutt - 1 time.
Vanskegrad
Grøn - Enkel - Tilrettelagt
Forklaring til fargekodane (PDF, 178 kB)
Turkart (PDF, 2 MB)
Digitalt kart
Alternativ sentrumstur:
Vikaneset, Skjoldavik, Isvik, Hagebyen, kyrkja, Vikaneset
Start og mål oppe på Vikaneset. Du går ned til hovudvegen, kryssar denne og følgjer gang- og sykkelveg ned mot Skjold kyrkje. Hald til venstre ned mot Skjoldavik over brua. Følg vegen gjennom Skjoldavik, kor du kan sjå gamal og ny busetnad. Du har flott utsikt mot Skjoldafjorden. I ytre del av Skjoldavik står turkassen på nedsida av vegen ved ein grå garasje. Der finn du også litt historie om dette området.
Du går vidare mot Isvik, kor du passerer Lensmannsgarden på oppsida av vegen. Etter brua tek du opp mot høgre, retning Vikebygd. Fortsett å gå til skilt på høgre side mot Isvik Hageby. Bruk fortau der det fins. Følg gang- og sykkelsti gjennom Isvik hageby 1 og 2 til den sluttar. Vidare langs vegen beint fram. Vegen svingar til høgre, og du kjem til Isvik hageby 3. Her har du tre val. Første vegen tek til venstre ganske straks, medan du kan gå vidare nedover og finne enno to alternativ.
I alle høve kjem du til gang- og sykkelvegen, noko bratt, ned til kyrkja. Ein tur bort til Isvik hageby 4 kan me også anbefala. Dit kjem du ved å ta av til høgre ved leikeplassen. Ved kyrkja går vegen rundt denne og opp til parkeringa på Vikaneset igjen. Du kan også gå turen andre vegen. Turen er merka på enkelte skilt og lyktestolpar.
Siri Nonslid