Vats

Tilkomst og parkering

Køyr 2,5 kilometer frå Knapphus mot Ølen, til vegkryss der det står skilt til Blikrabygda. Ta av mot Blikrabygda og følg fylkesveg 737 om lag 3,5 kilometer forbi ei stor raud løe like ved vegen og eit bedehus. Om lag 150 meter nedanfor bedehuset kjem du til ei bru med parkeringsplass, benk, skilt og informasjonstavle om turen.

Om turen

Følg merka sti frå parkeringsplassen langs Blikraelva som renn ut i Vatsvatnet nede ved Refsnes. Stien er godt skilta og har fleire informasjonstavler om kvernhus, kraftverk og oppgangssag. Når du kjem opp til Kraftverksinntaket på om lag 300 moh., finn du turkasse og ein kvilebenk. Etter ein pause kan du velja om du vil gå ned igjen same vegen, eller på andre sida av elva. Her er det god traktorveg til parkeringsplassen på Blikra. Det er også merka tur opp til Vardafjell (661 m.o.h) viss nokon vil ha ein lengre tur. Denne turen tar ca. 2 timer tur/retur i tillegg.

Avstand

Omlag 4 kilometer (tur/retur).

Tidsbruk

Omlag 2,5 timar (tur/retur).

Vanskegrad

Forklaring til fargekodane (PDF, 178 kB)

Turkart (PDF, 5 MB)

Digitalt kart

​

Kvilebenk ved turkassen lang ei å Jon Olav Velde

Tilkomst og parkering

Ta av frå E134 inn på Aurdalsvegen ved tidlegare gartneri. Følg vegen til endes 1,4 kilometer. Her finn du parkeringsplass og infotavle med opplysningar om ulike turar innover dalen. Alle turane har felles utgangspunkt herifrå på god traktorveg.

Om turen

Turen går på god grusveg langs elva oppover forbi Sagflåta, over Kleiva bru og vidare gjennom gran- og furuskog i slakt terreng til du kjem til Aurdalselva på ny. Ved brua på Fjellgardsbakken er det sett opp benk og vippe for ungar og turkasse med bok i. Dersom du vil, kan du gå over brua og følgja vegen vidare 600 meter oppover, då kjem du til ein ny rasteplass ved Tverrelva. Dette er ein fin tur i bjørkeskog, men vegen går i litt brattare terreng.

Gjennom Aurdalsdalen var det ferdselsveg frå Øvre Vats til Sandeid i gamle dagar. I dag går det traktorveg innover nesten heilt over til Steinsland i Sandeid. Det manglar veg berre eit kort stykke. 

Avstand

Om lag 3,4 kilometer tur/retur.

Tidsbruk

Omlag 1,5 time tur/retur.

Vanskegrad

Turkart (PDF, 2 MB)

Digitalt kart

Denne turen er ein del av turen frå Aurdal i Øvre Vats til Sønnanåstølen:

Ut.no

Fjellgardsbakken Jon Olav Velde

Tilkomst og parkering

Ta av frå fv. 46 (Saudavegen) på Kårhus i Nedre Vats og kjør mot Åmsosen, først på Raunesvegen og så Stokkastrandvegen. Like før du kjem til kaien ved Hatteland, tek du til venstre og køyrer vidare utover langs austsida av Vatsfjorden og så oppover mot Stokkadalen. 2,9 km frå Åmsosen er det skilta for parkering på venstre side av vegen ved bakketopp. Parker her og gå 150 meter tilbake til tursti-skiltet på sørsida av vegen. Følg traktorveg om lag 170 meter til infotavle. Følg så merka sti til Gaupefjell.

Om turen

Traktorveg eit stykke oppover og så godt merka sti som slyngjer seg oppover gjennom bjørkeskog og litt blanda vegetasjon. Det er litt vått enkelte plassar. Frå varden er det god utsikt over Yrkesfjorden, Krossfjorden og Vindafjorden. Du kan du gå ned att ein annan veg, via Tordisnuten, som ein rundtur. 

Avstand

Omlag 6 kilometer (tur/retur).

Tidsbruk

Omlag 2,5 timar (tur/retur).

Vanskegrad

Forklaring til fargekodane (PDF, 178 kB)
 

Turkart (PDF, 4 MB)

Digitalt kart

Tilkomst og parkering

Ta av frå E134 inn på Aurdalsvegen ved tidlegare gartneri. Følg vegen til endes 1,4 kilometer. Her finn du parkeringsplass og infotavle med opplysningar om ulike turar innover dalen. Alle turane har felles utgangspunkt herifrå på god traktorveg.

Om turen

På denne turen passar fjellsko best. Følg god traktorveg langs elva oppover forbi Sagflåta og over Kleiva bru. Vidare går turen i slakt terreng til du kryssar Aurdalselva på ny ved Fjellgardsbakken. Her er det hagebenk, og det kan vera ein fin stoppestad dersom du vil gå ein tilrettelagt tur.

Vegen vidare slyngar seg oppover i furuskog til vegkryss med skilt. Gå vidare til Tverrelvbrua der det står ein ny hagebenk. Gå vidare til neste bru over elva. Då er det å følga vegen vidare oppover til Stølshaugen, sjå skilt.

Gjennom denne dalen, Aurdalsdalen, har det vore ein gamal ferdselsveg frå Øvre Vats til Sandeid i gamle dagar. I dag går det traktorveg langt innover, og den ender nesten der ein annan traktorveg kjem frå Steinsland i Sandeid.

Avstand

6,4 kilometer tur/retur.

Vanskegrad

Turkart (PDF, 4 MB)

Digitalt kart

Stølshaugen Jon Olav Velde

Du har to ruter å vel mellom når du skal bestige Tordisnuten:

Til Tordisnuten frå Tjeltveit

Frå Infotavla går du oppover på skogsveg som går over i sti. Ved Skiljehaugane tar du til venstre. På vegen oppover er det god utsikt over store delar av Nedre Vats og innover Stokkadalen. Like før du når toppen, kjem du til ein liten varde, gå 200 meter vidare til du kjem opp på sjølve Tordisnuten. Der er turkassen.

Dersom du vil, kan du gå ein annan veg tilbake. Først på sti, så traktorveg ned til det gamle skulehuset i Stokkadalen og 1,5 kilometer på vegen tilbake til bilen.

Til Tordisnuten frå det gamle skulehuset i Stokkadalen

Turen startar ved traktorveg like nedanfor det gamle skulehuset i Stokkadalen. Skogsvegen er god å følgja oppover. Du vil sjå nokre namneskilt langs vegen, til dømes Longabrekka og Trollsvingane. Desse namna har sine historiar. Der du tek av frå skogsvegen, er det merka med skilt til Tordisnuten. Ved dette vegskiljet står også eit skilt som viser vegen og stien vidare til Nising.

Dersom du vil, kan du gå ein annan veg tilbake. Først på sti, så traktorveg ned til Tjeltveit og 1,5 kilometer på vegen tilbake til bilen.

Tilkomst og parkering

Ta av frå Fylkesveg 46, Saudavegen, på Kårhus i Nedre Vats og køyr mot Åmsosen, først på Raunesvegen og så Stokkastrandvegen. Like før du kjem til kaien ved Hatteland, tek du til venstre og køyrer vidare utover langs Vatsfjorden og oppover mot Stokkadalen.

Tjeltveit

2,9 kilometer frå Åmsosen er det skilta for parkering på venstre side vegen ved bakketopp. Parker her og gå 150 meter tilbake til turstiskiltet på sørsida av vegen. Følg traktorveg om lag 200 meter til infotavle. Følg så merka sti til Tordisnuten.  

Det gamle skulehuset i Stokkadalen

Kjør 4,5 kilometer frå Åmsosen mot Stokkadalen – eller 1,5 kilometer lenger inn enn frå Tjelteit – til du kjem til det gamleskulehuset i Stokkadalen. Skilta parkeringsplass like ovanfor skulehuset hos grunneigar Harald Selsås.   

Avstand

Frå Tjeltveit: 3,7 kilometer tur/retur.
Frå det gamle skulehuset i Stokkadalen: om lag 5,2 kilometer tur/retur.
Rundtur: 6,0 kilometer.

Tidsbruk

Frå Tjeltveit: om lag 2,0 time tur/retur.
Frå det gamle skulehuset i Stokkadalen: om lag 2,5 kilometer tur/retur.
Rundtur: Om lag 2,5 time.

Vanskegrad

Turkart (PDF, 4 MB)

Digitalt kart

Ut.no - Tordisnuten frå Tjeltveit

Ut.no - Tordisnuten frå det gamle skulehuset i Stokkadalen

Historie

Segna om Tordisnuten – kvifor dette namnet?

Då Svartedauden herja i Noreg, kom pandemien også til Stokkadalen i Vats. Dei døydde på alle gardane, så nær som ei jente. Namnet hennar var Tordis. Etter ei tid tok ho seg fram mot fjelldraget på vestre sida av vatnet for å sjå om det kunne vera liv i andre grender rundt fjordane.

Ho rek rundt på dei høgaste brynene i sør og vest. Berre frå ei stove steig det opp røyk, det var på Raunes på nordvestsida av fjorden. Ho tok seg ned til fjorden på Stokkasida, fekk ropa over, og den eine attlevande der rodde over. Dette var ein ung gut, og dei to slo seg saman og flytta til Stokkadalen.

Frå desse to ættar alle på Stokkadalen i dag. Nuten ho tok seg opp på, vart kalla Tordisnuten, og ber det namnet den dag i dag. Det seiest at i alle ættledd har kvinnenamnet Tordis vore halde oppe, og det like til den dag i dag.

På toppen av Tordisnuten Jon Olav Velde

Det er 2 alternative ruter opp til Friarane. Alternativ 1 startar frå Vestvoll i Blikrabygda, Øvre Vats, og alternativ 2 startar i Gjerdesdalen. Frå Friarane er det mogleg å gå vidare opp til Hovda.

Til Friarane frå Vestvoll i Blikrabygda

Store deler av turen går på traktorveg oppover lia gjennom kulturbeite og fin bjørkeskog. Enkelte stadar er det nokre bratte parti. Der traktorvegen sluttar, går du over gjerdeklyvar og over på ein godt merka og rydda sti. Siste biten bort til Friarsteinen er noko våt og myrlendt.

Til Friarane frå Gjerdesdalen

Tekst - om turen

Til Hovda frå Friarane

Stien til Hovda er skilta og godt merka med merkepinnar heilt opp til toppen. Stien har nokre bratte parti. På vegen opp er det fin utsikt mot Sandeid og innover fjella. Frå Hovda har du ei flott utsikt over heile Vatsbygda og vestover mot havet. 

Tilkomst og parkering

Vestvoll, Blikrabygda

Blikrabygda ligg på austsida av Vatsvatnet. Mulig å kome både frå E134 og fylkesveg 46. Parkering nedanfor raud løe, Blikravegen 406.

Gjerdesdalen

Fylkesveg 46...

Avstand

Frå Vestvoll til Friarane:
Frå Gjeresdalen til Friarane:
Frå Friarane til Hovda:

Tidsbruk

Frå Vestvoll til Friarane:
Frå Gjeresdalen til Friarane:
Frå Friarane til Hovda:

Vanskegrad

Forklaring til fargekodane (PDF, 178 kB)
 

Historie

Namnet Frierane har sin historie:

”Ein mann frå Landa gjekk på friarføter til ei jente frå Gjerdesdalen. Folk såg denne karen gå oppover lia til desse steinane rett som det var. Han hadde alltid ei kvit hua på hovudet. Her oppe traff han denne jenta etter avtale. Her ved dei store steinane har denne karen fridd til jenta. Han fekk ja på friarspørsmålet, dei to vart gifte – derfor heiter desse steinane Frierane. Dette paret busette seg i Gjerdesdalen.” 

Frierane er også ein skiftestein - her møtest grensene mellom 3 gardar:
Eikje i Gjerdesdalen og Bakkevold og Vestvoll i Blikrabygda. 

Tilkomst og parkering

Ta av frå E 134 i Øvre Vats, inn på Eikesdalsvegen, om lag 2,5 kilometer frå Knapphus og om lag 6 kilometer frå Ølensvåg. Her står det skilt til Eikesdal. Følg Eikesdalsvegen omlag 700 meter, til du kjem til skilta parkeringsplass. Her er det rasteplass, infotavle med kart og skilt over mange fine turar som startar herfrå.

Om turen

Følg god traktorveg opp til Dyrhaug. Godt skilta og merka sti vidare til toppen. Traktorvegen frå parkeringsplassen er lett å gå, sjølv om det kan vera nokre bratte parti. Ein liten snarveg på «Sti gjennom granskog» ved Kjeaberggrinda er kjekk å gå.

På Dyrhaug er det ein rasteplass. Her kan du ta ein liten avstikkar til ein utsiktplass like ovanfor ei hytte med flott utsikt over bygda. Ved Dyrhaug går stien vidare til Ørnaberget. Oppe på Ørnaberget er det flott utsikt over heile Vatsdalen, heilt ned til Vatsfjorden og innover til Ølensvåg og fjella ikring.      

Terreng

Skogsveg og sti.

Avstand

5,0 kilometer tur/retur.

Tidsbruk

Om lag 1,5 time tur/retur.

Vanskegrad

Turkart

Digitalt kart

Ut.no

Bilete

Illustrasjonsbilete

Turen går innom fire turmål i Vats

Friarane, Brennesteg, Vardafjellet og Aksla.

I 17 år har denne turen har vore arrangert som guida tur kvar haust, men nå er den merka slik at du kan ta turen når det måtte passa. På vinterføre med snø og is kan det vera utfordrande. Terrenget er ikkje lageleg for å gå på ski.  Det er godt merka sti heile vegen, med namneskilt og 4-tal på ein del av merkepinnane.

Informasjon om turen finn du og på Vatsnett.com.

Om turen

Om du startar  i Blikrabygda eller Gjerdesdalen er det traktorveg opp til Friarane
Du kan og starta i Aurdal, og avslutta i Blikrabygda eller Gjerdesdalen.       

Vidare over Låvene, og opp ura. Ura er spennande å klyva i, og godt tilrettelagt med tau til å halda seg i.

Høgdedraget frå Litle-Tjort mot Brennesteg er spektaluert. Utsikt mot Blikrabygda på den eine sida, og Gjerdesdalen og Sandeidfjorden på den andre sida. Her må du gi deg god tid og nyta opplevinga.

Frå Buskar kan du, om du er sliten, gå ned til Blikra og avslutta turen. Men har du mot på meir er det berre å legga i veg. Stien går innom Himmelriks-hidleren, Her kan det passa med ein matpause, særleg om det er dårleg vêr. Merkepinnane fører deg vidare opp til Vardafjellet.

Frå Dumoskar kan du ta ein avstikkar til toppen på Aksla (793 m.o.h.) som er høgaste punktet på turen. Her kan du mellom anna sjå til Utsira og Folgefonna. Frå Aksla må du gå eit lite stykke tilbake same vegen, og så ned skaret. Der er det bratt, men med god sikring. Vidare nord til hytta på Sletthaug. Frå Sletthaug er det traktorveg ned til Aurdal.

Avstand

Heile turen er 13,3 kilometer.

Tidsbruk

Om lag 4-6 timar.

Vanskegrad:
Raud tur, men du kan bryta av og gå deler av turen. Svært varierande natur.    

Anna

Frå gamalt av var der ein ferdselsveg mellom Blikrabygda og Gjerdesdalen. På høgdedraget midtvegs ligg det nokre store steinblokker som heiter Friarane. Namnet har dei fått av di det blir fortalt at ei jente og ein gut treftest der. Dei vart sidan gifte.

Turkart

Tilkomst og parkering

Ta av ved Knapphus og inn på Riksveg 46 mot Nedre Vats. Følg vegen 5 kilometer ned til Kårhuskrysset der du svingar til høgre og kjører vidare 2,3 kilometer ned til Åmsosen. Like før du kjem til Hatteland på kaien, må du ta av til venste, sjå skilt.

Køyr vidare 6,3 kilometer oppover dalen til du kjem til ein inngjerda og skilta parkeringsplass godt tilrettelagt hos Halvard Stokkedal, 6,3 kilometer frå Åmsosen. Her finn du info.tavle med opplysningar og skilta veg til Kjort.

Om turen

Frå parkeringsplassen er det skilta veg som går mellom husa til Halvard Stokkedal. Her går du inn på traktorvegen oppover, følg denne til endes til Koltveitskaret. Langs vegen er det sett opp fleire gjerdeklyvarar. Du vil også sjå nokre namneskilt som er sette opp langs vegen.

I gamle dagar var svært viktig å ha namn på mange stadar i utmarka når ein skulle seia kor ein skulle henta dyr med meir. Frå Koltveitskaret ser du merkepinnane langs stien til toppen. Oppe på Kjort, 606 m o. h., er det flott utsikt over store delar av Haugalandet.

Terreng

Skogsveg til Koltveitskaret med ein del bratte parti, men vidare opp er stien god og forholdsvis lett å gå.

Avstand

4 kilometer å gå frå parkeringsplassen og opp til toppen .

Tidsbruk

Om lag 1,5 time å gå til toppen med småpausar.

Vanskegrad

Turkart

Digitalt kart
Ut.no

Bilete

Tilkomst og parkering

Ta av frå E 134 i Øvre Vats, inn på Eikesdalsvegen. Om lag 2,5 kilometer frå Knapphus og om lag 6 kilometer frå Ølensvåg. Her står det skilt til Eikesdal. Følg Eikesdalsvegen omlag 700 meter, til du kjem til skilta parkeringsplass. Her er det rasteplass, infotavle med kart og skilt over mange fine turar som startar herfrå.                                                                 

Om turen

Du følgjer traktorvegen heilt fram til hytta. Om ønskjeleg kan du ta forskjellige avstikkarar undervegs. Blant anna er det ein fin rasteplass bak ei privat hytte på Dyrhaug. Veldehytta er alltid open. Her kan du nyta nista di inne eller ute. Ute er det også ein grillplass i gammal hustomt.

På bordet inne i hytta ligg ei hyttebok du kan skriva deg inn i. Sjå skilt og merking til nye turmål: Morgonsvatnet, Ulserhaug, Vikestølen, Eikås/Bjoa, Vikebygd, Longåsdalen, Bjordal. Vikestølen er Bjoa sitt turmål dette året, litt myrlendt sti.

Terreng

Traktorveg heilt fram til hytta - nokre bratte parti.

Avstand

Om lag 6,2 kilometer tur/retur.

Tidsbruk

Om lag 1 time og 40 minutt tur/retur.

Vanskegrad

Turkart

Digitalt kart

Ut.no

Kulturminne:
På vegen passerar ein bl.a. ein «Revebås» og ei fangstfelle (meir info på staden).

Tilkomst og parkering

Køyr 5 kilometer frå Knapphus mot Nedre Vats til Kårhus ved Vindafjordtunet og parker her. Her står infotavle med kart og opplysningar om turar i Vats og om turane som startar her.

Om turen

Du startar med å gå på god traktorveg og bilveg på nordsida av omsorgsenteret. Følg skiltinga oppover. Traktorvegen svingar seg oppover lia. Etter 2 kilometer ta av til venstre gjennom ei grind og vidare opp gjennom lia på litt dårlegare traktorveg 300 meter – følg skilt – og så til venstre inn på merka og rydda sti.

Her kan du nyta roen mellom trea og lytta til fuglesongen eller få auga på anna liv i terrenget. Dette er ein fin fjelltur, men kan vera litt krevande. Oppover traktorvegen er det fin panoramautsikt over bygda. Hugs bandtvang, det er beitande sauer her.

Oppe på Grånuten er det flott utsikt i fleire retningar. Dersom du vil, kan du herirå gå vidare til Fuglen og ned Haukadalen til E 134 ved Krakk. Det er skilt og merkepinnar heile vegen.

Terreng

Traktorvegen svingar seg oppover lia 2 km til du tar av ved grind og merka sti vidare gjennom lauvskog og litt ulendt terreng før du når tregrensa og får fritt utsyn.

Avstand

3 kilometer opp til toppen.

Tidsbruk

Om lag 1,5 time å gå opp til varden på Grånuten med vanleg gange og om lag 2 timar og 15 minutt tur/retur.

Vanskegrad

Raud tur – familietur. Noko bratt traktorveg i starten. Stien frå traktorvegen har også nokre bratte parti oppover lia.

Turkart (PDF, 2 MB)
Ut.no
Hike information in English

Ein kan velja og vraka i turar, når ein startar frå Eikesdalsvegen i Øvre Vats:
Thorsgruva, Dyrhaug 260 m.o.h., Ørnaberget 340 m.o.h., Stemmetjørna 300 m.o.h., Veldehytta 360 m.o.h., Morgonsvatnet, Ulserhaug, Moldebrekka 619 m.o.h., Vikestølen, Longåsdalen/Bjordal 207 m.o.h., Vikebygd og Eikås/Bjoa.

Turbeskrivelse (PDF, 32 kB)

Turkart (PDF, 3 MB)

Diverse lenker til Ut.no:

Dyrhaug (260 m.o.h.)

Thorsgruva (130 m.o.h.)

Veldehytta (360 m.o.h.)

Ørnaberget ( 340 m.o.h.) via Dyrhaug

Stemmetjørna (300 m.o.h.) via Dyrhaug

Ørnaberget ( 340 m.o.h.) via Tjelmarmyra

Stemmetjørna (300 m.o.h.) via Tjelmarmyra

Longåsdalen/Bjordal (207 m.o.h.) via Veldehytta

Morgonsvatnet (461 m.o.h.) via Veldehytta

Vikestølen (325 m.o.h.) via Veldehytta

Tilkomst og parkering

Køyr om lag 1,5 kilometer frå Knapphus mot Ølen langs E 134 til Øvre Vats bedehus som ligg på oppsida av sykkel- og gangstien ved Alvseike. Her er det mogeleg å parkere og det står info.tavle m/kart og opplysningar om tur til Krakkanuten og til Vatnedalen og vidare til Austreim i Skjold.

Om turen

Følg den merka traktorvegen fram til Vatnedalsvatnet, om lag 2 kilometer. Rett før du kjem ned til vatnet, tar du av til høgre ned til utløpet av Vatnedalsvatnet. Sjå skilt. Her er stien vidare skilta og godt merka gjennom tett ore- og bjørkeskog fram til grensa med Skjold, om lag 1 kilometer.

Ved grensa finn du ein turkasse til Skjold turlag – skriv deg inn i boka her. Her kan du velja om du vil gå attende til Øvre Vats Bedehus eller om du vil gå vidare på traktorveg heilt fram til E 134 ved Austreim gjennom planteskog av gran-, furu- og lerketre, om lag 2,7 kilometer. Traktorvegen herifrå er svært lett og fin å gå på heilt fram.

Terreng

Noko bratt traktorveg i starten, men deretter lett å gå vidare. Traktorvegen går gjennom lett blandingsskog heilt fram til Vatnedalsvatnet. Vegen har nokre våte parti innmed vatnet.

Avstand

Om lag 2,8 kilometer

Tidsbruk

Om lag 30 minutt.

Vanskegrad

Turkart

Digitalt kart

Ut.no

Bilete

Frå Aurdal kan ein gå mange turar

Sletthaug 480 m.o.h., Aksla 700 m.o.h., Vardafjell 661 m.o.h., Steinslandsnuten 514 m.o.h., Steinsland i Sandeid, Stuhaug seter/stølen og Stuhaug gardsmuseum i Sandeid.

Turbeskrivelse (PDF, 18 kB)

Turkart - Sletthaug, Aksal og Vardafjell (PDF, 2 MB)

Turkart - Steinslandsnuten og Stuhaug (PDF, 693 kB)

Fiske og båtleige

Gratis fiske og gratis båtleige i Stokkadalsvatnet hos Halvard Stokkedal. Vatnet ligg like nedanfor parkeringsplassen. Følg traktorvegen ned til vatnet. Nede ved vatnet er det rydda til ein liten leirplass der kven som helst kan slappa av og kosa seg.

Dei som vil ut på vatnet og fiska eller berre ro ein tur, kan låna robåten gratis.

Krav til brukarar av leirplassen og lån av båten

• Hald området ryddig.
• Kast all søppel i bossdunken.
• Legg båten på rett plass etter bruk.
• Skade på båten må ordnast eller meldast frå til Halvard Stokkedal.

Ta kontakt med Halvard Stokkedal om naudsynt på mobil 95 05 89 04

Tilkomst og parkering

Ta av ved Knapphus og inn på Fylkesveg 46 mot Nedre Vats. Følg vegen 5 kilometer ned til Kårhuskrysset der du svingar til høgre og kjører vidare 2,3 kilometer ned til Åmsosen. Like før du kjem til Hatteland på kaien, må du ta av til venstre, sjå skilt til Stokkadalen. Følg denne vegen 4,5 kilometer til det gamle skulehuset i Stokkadalen. Det er god parkeringsplass like ovanfor det gamle skulehuset.

Om turen

Turen startar på traktorveg, like nedanfor det gamle skulehuset i Stokkadalen. Ein følgjer fraktorvegen i vel 2 kilometer oppover lia, litt bratt. Så går det over i flatt og kupert terreng gjennom lauvskog og litt myr eit stykke før stien går bratt og kronglete nedover ei skogkledd li til ein kjem ned til Nising som ligg nede ved sjøen ved Yrkesfjorden.

Her har det vore fastbuande familiar i mange generasjonar, men i dag er dette ein fråflytta plass. I dag blir husa brukte som hytte og fritidsbustad for etterkommerar av tidlegare eigerar. I løpet av turen vil du sjå nokre namneskilt langs vegen, til dømes Ospedalen, Longabrekka og Trollsvingane, Sleahidlerane, Skripedalen, Brittaklypa, Råså, Skihidleren, Råsåvegen, Busteinane med fleire. 

Desse namna har sine historiar. Her har det vore fastbuande familiar i mange generasjonar, men i dag er dette ein fråflytta plass. I dag blir husa brukte som hytte og fritidsbustad for etterkommerar av tidlegare eigerar.        

Terreng

Traktorveg og sti gjennom lauvskog og over myr, til tider bratt.

Avstand

Om lag 8 kilometer tur/retur.

Tidsbruk

Om lag 3 timar tur/retur.

Vanskegrad

Raud tur. (PDF, 145 kB)

Turkart som pdf (PDF, 3 MB)
Ut.no

Tilkomst og parkering

I Kårhuskrysset, sving inn på Raunesvegen og følg denne vegen 5 km nesten heilt ut til Raunes. Like før du kjem til AF Miljøbase Vats, ser du ei infotavle og eit skilt til Stråtveit på høgre sida av vegen. Skilta parkeringsplass finn du på venstre side av vegen, ved busskur.

Dersom du ikkje vil gå, men køyra bil heilt fram, må du betala bompengar. Avgifta er 30 kroner som du legg i konvolutt i kasse 300 meter lenger oppe på vegen.

Om turen

Stråtveit er ein stor gamal fråflytta gard som var veglaus før. Mange gamle bygningar på garden er renoverte og sette i god stand. Her er det lagt til rette med grillplass og informasjonstavle. Det er turstiar med opplysningsskilt og informasjon om treslag og bygningar.

Ta gjerne turen ned til eit lite restaurert naust nede ved sjøen. Då går du på ein sti gjennom trolsk eventyrskog med fleire informasjonsskilt.

Terreng

Bilveg (grusveg) heilt fram, nokre bratte parti i starten.

Avstand

7,2 kilometer tur/retur frå parkeringsplassen.

Tidsbruk

Om lag 2 timar tur/retur.

Vanskegrad

Opplysningar:
Bomveg, som er open for biltrafikk frå påsketider til 10. september.

Turkart (PDF, 972 kB)

Digitalt turkart

Ut.no

Bilete (PDF, 3 MB)

Historie

Stråtveitgarden er ein av dei største gardane i Vats med om lag 5.000 mål totalt og kan førast attende til 13-1400 talet. Som odelsgard har han historie frå 1692.

Garden vart kyrkjegods på 13-1400 talet. Under reformasjonen i 1537 overtok kongen kyrkjegodsa og då vart Stråtveit krongods. Då kongen av Danmark trong penger til krigar i 1690-åra, vart dei fleste krongodsa selde for å skaffa penger til kongen. Garden vart seld til Nils Larsen Raunes i 1692.

Garden har vore i Stråtveitslekta i 280 år frå 1692 til 1972.

Dei siste som budde på garden flytta i 1957. Garden låg brakk”frå 1957 til 1972 då A/S Norske Skog kjøpte garden. Då trong husa renoverast utvendig for å hindra forfall. Då vart det sett på nye tak og bordkledning på ytterveggene.

Husa på garden

Det er 14 bygningar på garden. Hovudhusa som står i dag, er frå 1800-talet. Mange hus på garden: Stovehus, løe, fjos, stabbur, folgehus, smie, kvernhus, eldhus, treskeløe, sirkelsag, vedhus,uteløer og naust.

Husmannsplassar

Det var 6 husmannsplassar på Stråteit:
Habn, Hummervik, Greburhaugen, Lunden, Krekjen og Brattestø.

Garden var veglaus fram til 1970-talet då A/S Norske skog overtok garden.

Telefon

Lars Stråtveit la opp ei 8 km lang telefonlinje frå telefonsentralen i Åmsosen allereie i 1928.

Skulegang for barna på Stråteit

Det var omgangsskule her. Læraren budde på garden i 3-4 veker og underviste barna i stova. Faga var lesing, skriving, rekning, religionsopplæring med katekisma med forklaringar og pugging av salmevers. Dette varte fram til langt på 1900-talet. Seinare måte barna inn til Indreland skule (Soltveit skule).

Folket på garden levde godt på det garden gav

Garden var eit sjølvbergingsbruk, det vil seia dei var sjølvhjelpne med det meste og brukte og utnytta det naturen kunne gi dei. Dei hadde naturalhushald, men etter kvart vart det kjøp og sal av produkt dei trong. Dei hausta meir frå jordbruk, husdyrhald, skogbruk, jakt i fjellet og fiske i fjorden enn det dei trong sjølv. Dermed vart det inntekter som kunne nyttast til ulike formål til familien.