Generell orientering om ordninga
Spelemidlar til bygging og rehabilitering av idrettsanlegg skal bidra til infrastruktur som gir befolkninga mogelegheit til å driva aktivitet.
Det gjeld både i regi av den frivillige, den medlemsbaserte idretten og gjennom mogelegheitane for eigenorganisert aktivitet.
Ein kan søkja om tilskot til både bygging av nye anlegg og til rehabilitering av eksisterande anlegg.
Dersom ein planlegg å byggja idretts- eller nærmiljøanlegg, er det viktig å setja seg godt inn i regelverket (bestemmelser om tilskudd til anlegg for idrett og fysisk aktivitet). Regelverket kjem ut ila juni kvart år. Her er bestemmelser for tildeling i 2025.
Ordinære anlegg
Med ordinære anlegg meinast anlegg for organisert og eigenorganisert idrett og fysisk aktivitet.
Det kan søkjast om tilskot til
- Bygging av anlegg som er opne for allmenn idrettsleg verksemd, og som ikkje er underlagt fortenestebaserte eigarformer.
- Rehabilitering av anlegg etter nærmare reglar, sjå i bestemmelsene.
- Kjøp og nødvendig innredning/ombygging av eksisterande anlegg etter nærmare reglar i bestemmelsene.
Nærmiljøanlegg
Nærmiljøanlegg er eit anlegg eller område for eigenorganisert fysisk aktivitet som ligg i tilknytning til bu- og/eller opphaldsområder. Med nærmiljøanlegg meinast berre utandørsanlegg.
Det kan søkjast om tilskot til
- Nærmiljøanlegg som er fritt, allment tilgjengeleg for eigenorganisert, fysisk aktivitet, først og fremst for barn og ungdom (6-19 år), men også for lokalbefolkninga elles.
- Rehabilitering av nærmiljøanlegg etter nærmare reglar i bestemmelsene.
Nærmiljøanlegg kan unntaksvis brukast til organisert fysisk aktivitet, og skal ikkje ivareta den organiserte aktiviteten sitt behov på fast basis.
Godkjente anleggstypar finn du i bestemmelsene.
Søknad
For å kunna senda ein spelemiddelsøknad må anlegget vera ein del av vedtatt kommunal plan som omfattar idrett og fysisk aktivitet. Kommunedelplan for idrett og fysisk aktivitet vert rullert kvart 4. år. Den omfattar temadel og ein handlingsdel. Handlingsdel – «Prioritert handlingsprogram» – blir rullert kvart år.
I høve planen og planarbeid blir det lagt vekt på Vindafjord idrettsråd sine forslag til innstilling og prioriteringar.
Idretts- og skyttarlag, skular og andre som har innspel til handlingsdelen i planen, om nye anlegg, rehabilitering av gamle og liknande, må melda dette inn til postmottak@vindafjord.kommune.no og Eining kultur og læring.
Alle søknadar skal sendast elektronisk på anleggsregisteret.no. Her finn du også meir informasjon om ordninga. Rådgjevar kultur og idrett kan også informera om søknadsprosessen og hjelpa til.
Her kan du sjå årets fordeling av spelemidlar til kommunane i Rogaland fylkeskommune.
Forskotering av spelemidlar
Det er rekna ca. 1,9 år til du får utbetalt spelemidlar etter at prosjektet/anlegget er blitt godkjent av fylkeskommunen.
Vindafjord kommune og Vindafjord Arbeidsgjevarforum AS oppretta i 2016 eit fond som har som formål å forskotera spelemidlar til anlegg i kommunen fram til anlegget faktisk får utbetalt spelemidlar. Fondet blir administrert av kommunen.
Det kan søkjast til fondet og be om utbetaling når spelemiddelsøknaden er:
- Godkjent av Rogaland fylkeskommune
- Anlegget er ferdigstilt
- Rekneskapet er revisorgodkjent.
Ved utbetaling av forskoterte spelemidlar vil det bli utstedt eit gjeldsdokument som sikkerheit for forskoteringa. Når anlegget får tildelt spelemidlar, blir dei tilbakeførte fondet.
Vedtekter for fond forskotering av spelemidlar i Vindafjord kommune (PDF, 223 kB)
Søknad om forskotering av spelemidlar