Museet har fokus på lokal handverks- og næringshistorie. Det omfattar også skulemuseet i Skjold.
Museet er forma som eit bygdetun med røykstove, stabbur, kvernhus, steinhoggarbu og driftsbygning. På tunet finn du også kommunen sin siste telegrafstasjon. Den er ein av dei einaste i distriktet.
Museet har fokus på lokal handverks- og næringshistorie, då særleg tradisjonar knytta til skipsbygging. Her finn du ei rik samling av gjenstandar frå arbeids- og kvardagsliv, modellar av seglskuter frå vervartida og ei boksamling frå Det Vigedalske Læseselskab.
Museet har jamnlege temadagar og historiske spel utandørs i sommarhalvåret. Museet samarbeidar med Vikedal Roots Music festival om utearrangement. Det er også bålpanne besøkande kan nytta seg av.
Vindafjordmuseet omfattar skulemuseet i Skjold, i Ersland gamle skulestove. Skulemuseet er ope i samband med skulebesøk og arrangement. Ta gjerne kontakt for å avtala nærare.
Sist endra 26.09.2022 08.59