Litterære pusterom - les i lag

Her kan du koma for å finne roa og høyre gode tekstar i lag med andre. Litterære pusterom er eit lytt – prat opplegg kor ein leseleiar les ein tekst høgt før ein samtalar om opplevingane av teksten. Erfaringane er at ein får spennande samtalar når ein deler inntrykk og refleksjonar som dukkar opp undervegs. Tekstanalyse er ikkje eit tema på litterære pusterom, berre kva tankar ein gjer seg om sjølve teksten.

Det er inga førebuing, og ein vel sjølve kor mykje ein vil vere med i samtalen. Gevinsten av å vere med er at ein får kopla heilt av den stunda det litterære pusterommet varer.

Velkomen til høgtlesing for vaksne på biblioteket.