Ein festkveld for kultur, fellesskap og engasjement

Artistar, prisvinnarar og publikum bidrog til ein flott kveld.

Ordførar Ole Johan Vierdal ønskte velkomen og inviterte til ei innhaldsrik feiring der kultur, fellesskap og lokalt engasjement stod i sentrum. I opninga delte han tankar om året som ligg bak oss og forventningar til 2026.

Ole Johan Vierdal leia forfattarsamtalen med Anne Gunn Halvorsen, Agnes Matre og Agnes Ravatn. Kristine Thorsen Eikeland

Eit av dei store høgdepunkta i programmet var sofapraten med forfattarane Agnes Matre, Agnes Ravatn og Anne Gunn Halvorsen. Samtalen gav publikum eit nært og inspirerande møte med tre markante stemmer i norsk litteratur.

Kristine Thorsen Eikeland

Kvelden bød også på eit variert og stemningsfullt kulturprogram. Kine Nesheim skapte ei roleg og vakker stemning på scena.

Kine Nesheim på scena Kristine Thorsen Eikeland

Kine Nesheim med band Kristine Thorsen Eikeland

Belgtøttene og Kore’ Vindafjord bidrog med energi og flotte innslag. 

Korè Vindafjord framførte fleire songar Kristine Thorsen Eikeland

Belgtøttene på scena Kristine Thorsen Eikeland

I tillegg imponerte fleire av elevane i kulturskulen med fine framføringar.

Innslag frå kulturskulen Kristine Thorsen Eikeland

Tradisjonen tru vart det delt ut prisar, stipend og heider. 

Det var fleire rørande augneblinkar då vinnarane kom opp på scena til stor applaus frå salen – ei tydeleg påminning om kor mykje skaparglede, innsatsvilje, engasjement, samhald og talent som finst i Vindafjord. 

Ølen idrettslag fekk omsorgs- og inkluderingsprisen, til stor jubel. Kristine Thorsen Eikeland

Kunstverka som vart utdelte er laga av Ingrid Haukelidsæter.

Næringsprisen gjekk til Rørleggar Haraldseid AS. Kristine Thorsen Eikeland

I pausen vart det servert kaffi og kaker, og mange nytta høvet til ein god prat før programmet heldt fram. 

UL Skjoldafjord mottok kulturprisen. Kristine Thorsen Eikeland

Alt i alt vart årets nyttårsmottaking ei flott markering av både det som har vore og av Vindafjord i 2026 – og ei verdig feiring av alt me får til saman.

Vera Gjerde og Linea Helgevold Fjelldalselv mottok kulturstipend Kristine Thorsen Eikeland

Tusen takk til alle som bidrog – og til alle som tok turen!

NM-, EM- og VM-vinnarar frå Vindafjord vart heidra. Kristine Thorsen Eikeland