Målet med samlinga er å styrkja det tverrfaglege samarbeidet rundt barn og unge – og å samla heile laget.
Språk var ein viktig del av dagen. Hovudinnlegget stod forfattar og språkforskar Helene Uri for.
Planleggingskomiteen på scena, som består av Anita Gjørstad Grindheim (barnhage- og skulesjef), Ane Kesia Eide Fatland (leiar kultur og læring), Kristine Haraldseid Strand (politkontakt) og Sonja Hundseid Lærdal (leiar PPT).
Nils Erik Eide
Forma på samlinga var litt annleis enn tidlegare år. Deltakarane vart delte inn i tverrfaglege læringsgrupper ved hjelp av farga lappar, og fekk i oppgåve å samtala og reflektera saman om ulike tema.
Kristine Thorsen Eikeland
Denne måten å leggja til rette for dialog og nettverksbygging på tvers av fag og einingar fekk svært gode tilbakemeldingar.
– Det har vore spennande å ha samlinga i ei litt anna form. Språket er så viktig, og nettverksbygging på tvers er bra. Det legg til rette for dialog, bevisstheit og refleksjon rundt ordbruk og haldningar.
Det seier planleggingskomiteen, representert ved Sonja Hundseid Lærdal (leiar PPT), Ane Kesia Eide Fatland (leiar kultur og læring), Kristine Haraldseid Strand (politkontakt) og Anita Gjørstad Grindheim (barnhage- og skulesjef).
Sonja Hunseid Lærdal, Anita Gjørstad Grindheim, Ane Kesia Eide Fatland og Kristine Haraldseid Strand er nøgde med konferansen.
Kristine Thorsen Eikeland
Helene Uri engasjerte
Forfattar og språkforskar Helene Uri snakka engasjert om korleis språk heng tett saman med identitet og tilhøyrsle, og korleis språket formar oss som menneske.
Uri peika på kor mykje kommunikasjon som kan gå tapt når ein ikkje får uttrykkja seg på sitt eige morsmål, og løfta fram fleirspråklegheit som ein viktig ressurs i møte med barn og unge.
Helene Uri snakka engasjert om språk og identitet frå scena.
Kristine Thorsen Eikeland
Gjennom dagen fekk deltakarane arbeida med refleksjonsspørsmål som kvifor språk er viktig, verdien av å halda på eigen dialekt, kva som er godt språk, og korleis ein kan nytta fleirkulturelle språkressursar i klasserommet.
Digitale verktøy som Menti vart brukte for å samla inn tankar og erfaringar frå deltakarane.
Kristine Thorsen Eikeland
Fleire nye verktøy
Programmet baud også på fleire faglege innlegg frå interne bidragsytarar.
Det vart mellom anna presentert ny tenestekatalog, plan for førebygging av åtferdsvanskar og omsorgssvikt, rutinar for vald i nære relasjonar og ny rettleiar for skulefråvær.
Kulturelle innslag og gode pausar gav rom for både fagleg påfyll og uformelle samtalar.
Over 450 deltok på konferansen.
Kristine Thorsen Eikeland
Eit viktig tema
Fleire deltakarar trekte fram verdien av å møtast på tvers av fag og einingar.
Ei av gruppene bestod av Anne Jorunn Apeland (NAV), Halvor Hem (avdelingsleiar kulturskulen), Karina Augestad Hjelme (bibliotekar) og Marit Ruus (lærar ved Ølen skule).
Dei hadde mange gode diskusjonar.
– Det er spennande å utveksla tankar på tvers av avdelingar. Språk er tett knytt til identitet, og det er viktig å meistra språket og få snakka på eiga dialekt, fortel Karina.
Ei av gruppene bestod av Anne Jorunn Apeland (NAV), Halvor Hem (avdelingsleiar kulturskulen), Karina Augestad Hjelme (bibliotekar) og Marit Ruus (lærar ved Ølen skule).
Kristine Thorsen Eikeland
Hanne Dyvik, lærar ved Ølen skule, peikar også på verdien av samlinga:
– Det er kjekt å samla ulike grupper og møta kollegaer frå andre skular. Helene Uri var inspirerande, og ho fekk fram kor viktige nyansane i språket er, særleg når ein jobbar med framandspråklege elevar.
Hanne Dyvik, lærar ved Ølen skule, jobbar med framandspråklege og understrekar viktigheita av språk.
Kristine Thorsen Eikeland
Inspirerande engasjement
Kommunalsjef for oppvekst, Nils Erik Eide, rosar både innhald og gjennomføring:
– Takk til arbeidsgruppa for ein svært godt planlagt konferanse med eit relevant og engasjerande program. Det var inspirerande å sjå engasjementet i gruppene. Med dyktige interne bidragsytarar, i tillegg til Helene Uri, er eg stolt av det tverrfaglege arbeidet Vindafjord kommune gjer gjennom LRBU-satsinga.
Kristine Thorsen Eikeland
Kristine Thorsen Eikeland