Startlån

Startlån kan vere aktuelt for deg som har langvarige problem med å få bustadlån i vanleg bank, og som treng hjelp til å skaffe, behalde eller tilpasse ein eigna bustad i Vindafjord kommune.

Ordninga skal hjelpe personar og familiar som treng ein trygg og varig bustad, men som ikkje får nok lån i vanleg bank til å kjøpe bustad, bli buande eller tilpasse bustaden sin.

Dette kan til dømes gjelde barnefamiliar, eldre, personar med nedsett funksjonsevne, personar med varige trygdeytingar eller andre med særlege sosiale eller økonomiske utfordringar. Har du låg inntekt kan startlånet kombinerast med bustønad.

Kva er startlån?

Startlån er ei kommunal låneordning gjennom Husbanken.

Det er kommunen som behandlar søknaden og vurderer om du kan få lån, og kor stort lån du kan klare å betale tilbake over tid.

Vindafjord kommune følger Husbanken sine retningslinjer for startlån. Les meir her: Startlån og tilskudd fra kommunen - Husbanken

Kven kan søkje?

Du kan vere i målgruppa for ordinært startlån dersom du:

har langvarige problem med å få lån i vanleg bank
har behov for ein trygg og varig bustad
har inntekt eller ytingar som gjer at du kan betene lån over tid
ikkje kan løyse bustadbehovet ditt på annan måte

Du treng ikkje å ha oppspart eigenkapital for å kunne få ordinært startlån, men kommunen må vurdere at du har betalingsevne over tid.

Arbeid og startlån: Dersom du ikkje får tilstrekkeleg lån i vanleg bank, kan startlån i enkelte tilfelle vere aktuelt dersom det kan bidra til at du tek arbeid eller blir buande og arbeider i Vindafjord.

Kva kan lånet brukast til?

Ordinært startlån kan brukast til å:

kjøpe ny eller brukt bustad
tilpasse eller utbetre bustad
byggje bustad
refinansiere dyre lån med pant i eigen bustad, slik at du kan bli buande.

Kva vurderer kommunen?

Startlån er ei behovsprøvd ordning. Når kommunen behandlar søknaden, blir det mellom anna vurdert:

om du kan få lån i vanleg bank
om bustaden er eigna og nøktern ut frå behovet ditt
om du har økonomi til å betene lånet over tid
om startlån er nødvendig og formålstenleg i din situasjon.

Korleis søkjer du?

Du søkjer digitalt gjennom Husbanken si søknadsløysing som du finn her:

Søk her

Det er kommunen som behandlar søknaden.

Treng du hjelp?

Har du behov for meir informasjon om startlån, eller treng du hjelp til å fylla ut søknad? Ta kontakt med NAV Vindafjord-Etne på telefon 55 55 33 33.

Les meir

Les meir om startlån:

Husbanken sine nettsider

Sist endra 29.09.2026 14:58