Spørsmål og svar koronavaksine

Ta kontakt for nærare avtale på mobil 91 30 38 42 tysdag, onsdag og torsdag klokka 09.00-12.00,
eller på e-post vaksinekontor@vindafjord.kommune.no.  

Personar på 75 år og eldre, samt bebuarar på sjukeheim, blir anbefalt ny oppfriskingsdose av koronavaksine. 

Vaksinering føregår på vaksinekontoret på Rådhusplassen 32 i Ølen (bak Ølen omsorgssenter).

Oppfriskingsdose til dei eldste

Overvåkning av vaksinasjon mot covid-19 viser at dei fleste i aldergruppa 75 år og eldre som har tatt 4.dose, blei vaksinert i fjor sommar og tidleg haust. Sidan det er dei eldste som er mest utsett for alvorleg sjukdom, og effekten mot alvorleg sjukdom avtar noko over tid, meiner FHI det er grunn til å anbefala aldergruppa 75 år og eldre ein ny dose no. Dette vil gjera dei betre rusta mot ein eventuell ny smittetopp i perioden fram mot neste vintersesong.

Oppfriskingsdosen av koronavaksine er særleg aktuell for dei som ikkje tidlegare har gjennomgått SARS-CoV-2-infeksjon, og for dei som har underliggande risikofaktorar.

Det bør ha gått meir enn 6 månadar sidan førre dose, og vaksineringa for denne gruppa bør gjennomførast i løpet av april.

Les meir på Folkehelseinstitutet sine nettsider (nettlenke).

Vaksinering av andre aldersgrupper

Sjølv om vinterens covid-19-bølge no ser ut til å vera over, er den vidare smitteutviklinga utover våren og sommaren usikker. Det er så langt ikkje tegn til ein tydeleg sesongvariasjon for SARS-CoV-2-viruset slik som for influensa. Det er derfor sannsynleg at det kan komma ei ny bølge i løpet av dei næraste månadene.

Folkehelseinstituttet anser det som sannsynlig at aldersgruppa 65 år og eldre, samt dei i aldersgruppa 18 til 64 år med underliggande risikotilstandar, vil ha behov for ein ny oppfriskingsdose til hausten, før vintersesongen 2023-24.

Kontakt vaksinekontoret

Ring vaksinekontoret på mobil 91 30 38 42 tysdag, onsdag og torsdag klokka 09.00-12.00, eller send e-post til vaksinekontor@vindafjord.kommune.no.  

Personar med alvorleg svekka immunforsvar er per i dag anbefalt 3 dosar i grunnvaksinasjonsserien, og i tillegg til ein oppfriskingsdose 3 månadar etter dose 3.

Det er god oppslutnad om dei tre første dosane, men det er framleis mange med alvorleg svekka immunforsvar som ikkje har tatt oppfriskingsdose.

Har du gløymt dette og ønsker ein 4. dose, ta kontakt med vaksinekontoret.

• Vaksinetelefon: 91 30 38 42
• E-post: vaksinekontor@vindafjord.kommune.no

Pasientar med alvorleg svekka immunforsvar grunna sjukdom, eller bruk av immundempande medikament, har generelt dårlegare respons på vaksiner samanlikna med friske personar. I tillegg har desse pasientgruppene høgare risiko for å bli alvorleg sjuke dersom dei blir smitta med koronaviruset

Mange vil ha oppnådd godt vern dersom dei har følgt dei gjeldande anbefalingane. Enkelte grupper, for eksempel dei organtransplanterte som er blant de pasientane med mest alvorleg svekka immunforsvar, kan sjølv etter fire dosar ikkje ha oppnådd god nok immunrespons. Dei kan derfor ha behov for ytterlegare dosar. Dette er ei vurdering spesialisthelsetenesta gjer.

Alt om koronavaksine frå Helsenorge

Koronasertifikatet finn du på Helsenorge.no. Der kan du logga deg inn med mellom anna med bankID via PC, nettbrett eller smarttelefon.

EU legger ned ordningen med koronasertifikat 30. juni 2023. Etter denne datoen er det ikke mulig å få tilgang til koronasertifikatet.

For utskrift av vaksiner, logg inn på Helsenorge og oversikten over dine vaksiner.

Gravide og ammande blir anbefalt vaksine mot covid-19. Vaksinasjon i svangerskapet vil også beskytte barnet etter fødsel.

Råd for gravide og ammande (FHI)