Har du hugsa å bestille time til influensavaksine?

Kristine Thorsen Eikeland

Me har no hatt to veker med fulle timebøker. 

I overkant av 1000 personar har vore inne til vaksinering. Vindafjordingane er kjempeflinke til å møte opp til rett tid. Me har òg dyktige og erfarne vaksinatørar med oss som sikrar ei trygg og god oppleving.

FHI ber eldre og risikogrupper om å ta influensavaksinen så snart som mogleg, fordi dei trur årets influensasesong kan starte tidlegare enn vanleg. 

Tidleg auke av influensa – FHI ber eldre og risikogrupper vaksinere seg no – FHI.

Time kan bestillast i Helseboka. Har du ikkje BankID, kan nokon andre bestilla for deg ved å bruke si BankID. 

Du kan òg senda e-post til vaksinekontor@vindafjord.kommune.no  eller ring 913 03 84

Påminning til deg fødd i 1960

Alle Vindafjordingar fødde i 1960 får tilbod om ny vaksine mot lungebetennelse (Prevenar20) gjennom vaksinasjonsprogrammet for vaksne. 

Denne gir livslang immunitet og kan takast samtidig med influensavaksina.