Starta nytt år med ny leiar
Avtroppande styrar i Vats barnehage, Kristin Tveit Beiermann, tok i dag i mot den nytilsette einingsleiaren Rana Hamid. I dag var hennar første formelle dag på jobb som ny leiar i Vats barnehage.
Avtroppande styrar Kristin T Beiermann (t.v) tok i dag godt i mot påtroppande styrar Rana Hamid
Nils Erik Eide
Rana kjem frå jobben som pedagogisk leiar i Espira Skåredalen, Haugesund, der ho har jobba sidan 2013. Kristin Tveit Beiermann startar neste veke i ny jobb som styrar i ein barnehage i Sveio kommune. Kristin og Rana er godt i gong med overlapping mellom gamal og ny leiar.
Velkommen til Rana og lukke til og takk for god jobb til Kristin, som har vore styrar i Vats barnehage i seks år.
Sist endra 03.01.2022 13.15