Ei arbeidsgruppe har stått for programmet og opplegget. Frå vår kommune har barnehage - og skulesjef Svein Carlos Gjil vore i denne gruppa, saman med rådgjevarar frå Sauda og Suldal i tillegg til våre regionale kompetanse - og utviklingsrettleiarar for skule og barnehage, Britt-Mona Vang og Liv Åse Hagland.
Deltakarane på konferansen var, som sagt, rektorar, styrarar, inspektørar, rådgjevarar, kommunalsjefar, regionale kompetanse - og utviklingsrettleiarar, oppvekstkoordinator, PPT og HVL.
Programmet var variert og nyttig, der deltakarane fekk god teori krydra med gode gruppeoppgåver der kommunane var blanda får dei tre kommunane.
Vidare plan for kommunen er å etablere gode rutinar, som skal publiserast på nettsida, forankra i organisasjonen og lage ein plan for ekstern vurdering av dei ulike einingane våre.
Ekstern vurdering skal bidra til å vurdera og vidareutvikla kvaliteten på det tilbodet me gir til brukarane våre. Alle skal involverast, frå tilsette til barn og elevar, samt foreldre/føresette. Den skal hjelpa å styrkja barnehagen og skulen som organisasjon. Det er veldig sunt og godt å få eit eksternt blikk på barnehagen og skulen.
På samlinga blei dei ulike fasane i barnehage og skulebasert kompetanseutvikling og ekstern vurdering presentert. Kommunalsjefane i dei tre kommunane lagde ein song, som skal hjelpa alle til å hugsa alle fasane i dette arbeidet.