Vindafjord kommune øvde på totalforsvar

I tillegg til kriseleiinga deltok Politiet i Vindafjord og Etne,Haugaland brann og redning iks , Vindafjord Røde Kors , Fagne, Helse Fonna , Sanitetskvinnene i Vindafjord og Vindafjord Bygdekvinnelag i øvinga.

– Me vil takka alle som deltok i denne viktige øvinga her i Vindafjord. God samhandling på tvers og tett dialog legg grunnlaget for at me kan verke godt saman når kriser oppstår, seier beredskapskoordinator i kommunen, Lars Preben Håvik.

Fleire aktørar deltok på øvinga. Kristine Thorsen Eikeland

Målet med øvinga er å styrkja kommunen si forståing av eiga rolle, ansvar og moglege utfordringar dersom Noreg skulle bli råka av krig. 

Norge øver er ei diskusjonsøving som gir kommunane høve til å reflektera over kva rolle, ansvar og utfordringar kommunen vil ha i ein slik situasjon.

Øvinga er utvikla av Direktoratet for samfunnstryggleik og beredskap (DSB) i samarbeid med statsforvaltarane. 
Opplegget er også utforma slik at andre verksemder og frivillige organisasjonar kan ha nytte av øvingsmateriellet.