Lovise, som går i tredje klasse på Ølen vidaregåande, har vore med i ungdomsrådet i fire år – og er no leiar.
– Eg tenkte: kvifor ikkje? Eg har alltid brydd meg om det som skjer rundt meg, og det verka spanande å få vera med og påverka, fortel ho.
For Lovise handlar engasjementet både om å bidra og om å læra:
– Me er jo framtida. Det er viktig å vera med og gi si stemme. Eg har lært mykje om ansvar og om korleis politikken fungerer – og det er sosialt og kjekt å bli kjent med andre ungdommar frå kommunen.
Ho er spesielt oppteken av utdanning og kollektivtilbod, og synest det er positivt å kunna skriva engasjementet i ungdomsrådet på CV-en.
– Og ja – pizza, brus og snop på møta er heller ikkje feil, smiler ho.
Det er heller ikkje mange møter i året.
Lovis Skrunes er leiar i Vindafjord ungdomsråd
Kristine Thorsen Eikeland
Utruleg kult
Astrid og Linnea, som går i andre klasse på Lundeneset vidaregåande, er òg engasjerte i ungdomsrådet.
– Eg tenkte det var kjekt å få meiningane mine høyrde. Det er spanande å få vera med og snakka for ungdom, seier Astrid.
Linnea blei inspirert av Astrid og slengde seg med:
– Det er utruleg kult at ein kan gjera noko meir enn å berre snakka med vener om kva ein ønskjer – ein kan faktisk ta det vidare og påverka!
Ho synest det er viktig at ungdom får vera med og forma lokalsamfunnet.
- Etter at eg byrja i ungdomsrådet har eg blitt endå meir engasjert i lokale saker som angår oss som er ungdommar.
Bli med du óg!
Du treng ikkje ha erfaring – berre lyst til å bidra.
Vindafjord ungdomsråd er ein arena der ungdom får vera med og påverka, læra om lokaldemokrati og bli kjent med andre engasjerte ungdommar.
Linnea Bergsvik Knudsen og Astrid Håvarstein Lothe er engasjerte i Vindafjord ungdomsråd.
Kristine Thorsen Eikeland
Kor ofte er det møter?
Rådsmøta er cirka 2 ganger per halvår, på rådhuset i Ølen. Dei startar kl. 16.00 og varer i om lag 2-3 timar. Det blir servert pizza på møta.
Fortell litt om deg sjølv og kvifor du har lyst til å søka i skjemaet lenger nede på sida.
Skjema for å søka om å bli med