Det vart òg eit kjekt gjensyn med tidlegare stortingsrepresentant Lisa Marie Ness Klungland, som nyleg har byrja å jobba som sjukepleiar ved omsorgssenteret.
Ho følgde Vedum på omvising i lag med ordførar Ole Johan Vierdal, einingsleiar for Ølen omsorgssenter og Vindafjordtunet, Annelin Bauge og avdelingsleiar Hanne Skjold.
Gjennom besøket fekk dei vist fram både det gode tilbodet og det store engasjementet som pregar kvardagen ved Ølen omsorgssenter.
Kristine Thorsen Eikeland
Tok seg god tid
Under besøket tok stortingspolitikaren seg tid til å gå innom alle avdelingane.
Kristine Thorsen Eikeland
Tema som arbeidskvardag i helse- og omsorgstenesta, løns- og arbeidsvilkår, rekrutteringsutfordringar i distrikta og ordninga med sletting av studielån vart løfta fram og diskuterte.
Kristine Thorsen Eikeland
Delte erfaringar og gode grep
Leiar for omsorgssenteret, Annelin Bauge, fortalde om prosjektet med å tilsetta servicemedarbeidarar som utfører oppgåver som ikkje krev helsefagleg utdanning – såkalla «hotelloppgåver».
– Dette er noko me har svært gode erfaringar med. Det frigjer kapasitet for dei som skal jobba med det medisinske, og gjer at me har fleire hender i kvardagen, peika ho på.
Kristine Thorsen Eikeland
Bauge framheva òg innsatsen for å rekruttera lærlingar og skuleungdom gjennom praksisplassar ved omsorgssenteret, som eit viktig bidrag til framtidig rekruttering.
Lytta til dei tilsette
Fleire tilsette delte erfaringar frå eigen arbeidskvardag.
Eit av temaene var ordninga med sletting av studielån. Fleire fortalde at dei hadde søkt og fått ordninga innvilga.
Kristine Thorsen Eikeland
Kristine Thorsen Eikeland
Blei rørt av den viktige innsatsen
Han nytta samstundes høvet til å rose både dei tilsette på avdelingane og heimesjukepleia for den viktige jobben dei gjer.
Kristine Thorsen Eikeland
– Dette har vore eit veldig kjekt og nyttig besøk. Dei som jobbar her gjer ein fantastisk jobb og fortener all ære. Eg blir rett og slett rørt når eg snakkar om kor viktige dei er for samfunnet. Det å gje folk verdigheit og tryggleik i ei sårbar fase av livet er noko av det viktigaste me gjer, sa Vedum.
Stortrivst i ny jobb
Lisa Marie Ness Klungland uttrykte stor glede over besøket og over å få visa fram arbeidsplassen sin.
– Eg stortrivs her og føler meg svært godt ivareteken som relativt ny. Det er låg terskel for å spørja om ting, og gode kollegaer som alltid stiller opp. Det er berre fem minutt til jobb frå der eg bur, og arbeidet er veldig meiningsfullt. Det er kjekt å få gjera ein skilnad i folk sine liv, fortel ho.
Kristine Thorsen Eikeland
Møtte bebuarane
Fleire bebuarar nytta høvet til å helsa på både Vedum, Klungland og ordførar Ole Johan Vierdal.
Mellom dei var Olav Eikeland, som er tidlegare politikar.
Kristine Thorsen Eikeland
Kristine Thorsen Eikeland
Det vart ein god drøs om både politikk og ei hyggeleg stund for alle involverte.
Kristine Thorsen Eikeland
Trygve Slagsvold Vedum og følgjet tok seg òg tid til å beundra den flotte utsikta frå omsorgssenteret, og nytte høvet til å skryta av kor fint det er i Vindafjord.
Kristine Thorsen Eikeland
Vidare til møte med transportbransjen
Vidare tok Vedum turen til Krakk Transport.
Representantar frå Krakk Transport, Sakarias Nesheim Transport og entreprenørverksemda Ottar Skjold Maskin deltok i møtet, som handla om kvardagen i transport‑ og anleggsbransjen.
Her vart både historia til verksemdene, utviklinga, utfordringar, behov og framtidsplanar løfta fram.
Utfordringar knytte til drivstoffprisar og behovet for gode vegar var òg tema i møtet.