Der fekk dei eit innblikk i korleis kommunen fungerer.
Det var ordførar Ole Johan Vierdal som tok elevane med gjennom opplæringa i Barnas kommunestyre.
I tillegg til å møte ordføraren, fekk elevane høyra om kommuneøkonomi og naturmangfald.
Og dei gjekk heim både litt klokare – og ganske stolte.
Elevar i Barnas kommunestyre på rådhuset i Ølen.
Kristine Thorsen Eikeland
– Eg vart skikkeleg stolt og måtte fortelja til foreldra mine at eg skulle hit. Det er kjekt å få lov til å representera skulen, seier Celine Digernes Lothe (12) frå Ølen skule.
Erik Furseth (13) frå Vikedal skule syntest dagen var overraskande spennande:
– Eg har lært om kommuneøkonomi og kva pengane går til. Og så var det stas å møta ordføraren – og få pizza og brus!
Radvilas Gabrelius Gaizutis (14) er heilt enig:
– Det var interessant å sjå korleis alt fungerer bak kulissane.
Deretter fekk dei vera med på ei omvising i rådhuset. Mange gode innspel og god stemning.
Ingen av dei planlegg politikarkarriere heilt enno, men engasjementet var det ingenting å seia på.
Celine Digernes Lothe, Erik Furseth og Radvilas Gabrelius Gaizutis lærte mykje då dei deltok på Barnas kommunestyre.
Kristine Thorsen Eikeland