Saman styrkjer me leiarane i Vindafjord

Vindafjordleiaren er kjenneteikna ved å vere ein modig, løysingsorientert og trygg lagspelar, og programmet har hatt som mål å styrkje både den enkelte leiaren og ein felles leiarkultur i kommunen.

Gjennom samlingane har deltakarane arbeidd med tema som:

• Leiing og leiarrolla
• Psykologisk tryggleik og leiing av team og grupper
• Motivasjon og sjølvleiing
• Stressåtferd, konflikthandtering og den vanskelege samtalen
• Endringsleiing og strategi

Programmet har gitt fagleg påfyll, refleksjon og erfaringsdeling på tvers av tenesteområda. Sjølv om denne programrunden no er avslutta, er arbeidet med å utvikle leiarane våre på ingen måte over. Vindafjord kommune skal også framover investere i leiarutvikling og byggje vidare på kompetansen, relasjonane og erfaringane som er etablerte gjennom Vindafjordleiaren.

Takk til alle deltakarane for engasjement, openheit og innsats gjennom heile programmet. Me ser fram til å ta med oss læringa vidare i arbeidet med å vere modige, løysingsorienterte og trygge lagspelarar til beste for innbyggjarane og kommunen vår.