Omvisning på «nye» Ølen VGS

Ølen vidaregåande skule og kommunen har samarbeidsmøte to gonger i året. Mykje av programmet på dette samarbeidsmøtet var altså omvisning. Ølen vidaregåande har, i tillegg til nybygg, renovert store delar av bygget i dei siste åra. Rektor Ruth J. Sæle og avdelingsleiar for yrkesfag Olav Hogne Espe  viste stolt fram resultatet til kommuneleiinga og ordføraren i Vindafjord kommune. Ikkje alt var heilt ferdig, men i juni skal det meste av renoveringa vera ferdig. 

Frå hausten 2020 har ØVGS fått nye undervisningslokale for Teknikk og Industrifag og Bygg- og anleggsteknikk. Elektro og arbeidstreningsklassen flytta inn i splitter nye lokale hausten 2021. For tida held dei på med mediatek og studiesenter for tur, og til sommaren vil heile skulen vere renovert, modernisert og betre tilpassa behova no- og framover.   

Administrasjonen er også totalrenovert, i tillegg driv dei på med å ferdigstille ny kantine, vrimleareal, nye grupperom og skaparrom. Verkstaden med tilhøyrande klasserom var imponerande å sjå. 

Her kan du sjå videoar frå dei ulike avdelingane på ØVGS

Sjå bilder frå omvisinga her: