I fjor vedtok Fylkestinget at det i 2023 skulle bli etablert ei ordning som gir støtte til energiøkonomiserande tiltak for frivilligheita.
Det har resultert i tilskotsordningar som rettar seg mot henholdsvis kartlegging av energibruk i eigne bygg, og gjennomføring av tiltak som reduserar energibruk eller bidrar til lokal produksjon av fornybar energi. Det er satt av 8 millionar kroner til ordningane som ein eingongsløyving.
Tilskotsordning for energikartlegging
For organisasjonar som har behov for ekstern assistanse til å finna ut kva tiltak som kan gi mest energisparing, er det laga ein tilskotsordning for energikartlegging. Organisasjonar kan gjennom ordninga få støtte til å engasjera eksterne rådgiverar som lagar ein rapport over ulike energitiltak for bygget. Det er satt av ein million kroner til ordninga.
Nettlenke til tilskotsordninga for energikartlegging
Tilskotsordning for gjennomføring av energisparings- eller energiproduksjonstiltak
I den andre ordninga vil det blir gitt tilskot til konkrete tiltak som bidrar til å redusera energibruk eller auka lokal fornybar produksjon i eigen bygningsmasse. Det kan handla om ei rekkje forskjellige tiltak, som for eksempel alternative oppvarmingsmetodar og etterisolering, eller lokal energiproduksjon som solfangarar og solceller.
Kven som får tilskot via ordninga, blir avgjort ut frå kor mykje energi som sparast eller produserast, sett opp mot størrelsen på tilskotet det er søkt om. Tilskotsramma er på sju millionar kroner.
Nettlenke til tilskotsordninga for energitiltak