Ny nettstad skal gjera det lettare å velja Vindafjord

- Nettstaden er ein viktig del av strategien vår for tilflytting og vidare vekst. Me ønskjer å gjera det enkelt å få oversikt over kva Vindafjord kan tilby, og å syna fram kvifor dette er ein god kommune å leva og arbeida i, seier kommunedirektør Halfdan Krohn Brekke.

Du finn den nye nettstaden for tilflyttarar her: Mitt Vindafjord

Skjermbilete av den nye nettstaden Mitt Vindafjord.

På sida finn du samla og lett tilgjengeleg informasjon om:

• bustad og bumiljø
• jobb- og næringsmoglegheiter
• barnehage, skule og tilbod til familiar
• kultur-, idretts- og friluftsliv

- Me veit at førsteinntrykket ofte blir danna på nett. Med den nye nettstaden vil me visa fram kommunen på ein profesjonell, varm og realistisk måte, slik at det blir enklare å ta steget og velja Vindafjord, seier kommunalsjef for organisasjon Ingebjørg Rullestad Gjerde.

Nettstaden vil bli oppdatert jamleg med aktuelt innhald, døme frå kvardagslivet i kommunen og historier frå innbyggjarar og tilflyttarar.