No kan du seia di meining om korleis det er å sykla i Vindafjord kommune!

Gi svaret ditt i Sykkelundersøkelsen 2026 innan 30.juni:  https://syklistforeningen.no/sykkelundersokelsen/

Me inviterer alle som syklar eller ønskjer å sykla meir til å dela erfaringar i Sykkelundersøkelsen 2026. 

Undersøkinga er ei landsdekkjande spørjeundersøking i regi av Syklistforeningen. Opinion bidreg til å samla inn svar og legg til rette resultata. Vindafjord kommune bidreg ved å spreia undersøkinga, slik at flest mogleg får høve til å seia si meining.

Resultata blir offentleggjorde i september på nettsida til Syklistforeningen.

Stadig fleire syklar over heile landet. Det er svært positivt for både trafikkavvikling, folkehelse og miljø. Sykkelundersøkinga gir kommunen verdifull innsikt i korleis dei kan leggja betre til rette for dei som allereie syklar, og for dei som ønskjer å sykla meir, seier Eline Oftedal, generalsekretær i Syklistforeningen.