Fjernar strøsanden før 17. mai

– Arbeidet starta som vanleg etter påske, og det er tre firma som står for kostinga. Det var ein langt mildare vinter enn i fjor, men det er likevel rundt 900 tonn sand som skal fjernast, seier seier Hildbjørg Fludal, konsituert einingsleiar for kommunaltekniske tenester.

Vegar og gang- og sykkelstiar skal vera ferdig kosta før 17. mai. Vikedal, Imsland og Vikebygd er kosta. Denne veka blir det arbeidd i Ølen, Ølensvåg, Bjoa, Sandeid og Vats. Neste veke er det Skjold sin tur.

Har du spørsmål, send ein e-post til veg@vindafjord.kommune.no. Hugs å skriva Kosting av strøsand i emnefeltet