Er du 65 år eller eldre?

Då bør du ta pneumokokkvaksine. Pneumokokk er ei bakterie som finst naturleg i nase og svelg. Bakteria er ei av dei vanlegaste årsakene til lungebetennelse hos vaksne, og ei hyppig årsak til øyrebetennelse og bihulebetennelse hos barn.

ckstockphoto@Pixabay

Pneumokokkvaksine til risikogrupper

Alle personar over 65 år, eller som har ein sjukdom eller tilstand som gjer at dei har høgare risiko for å få alvorleg pneumokokksjukdom, er anbefalt å ta pneumokokkvaksine. Pneumokokkar er ein bakterie som kan gi lungebetennelse, øyrebetennelse eller bihulebetennelse, men kan også gi eit alvorlegare sjukdomsforløp som blodforgifting (sepsis) eller hjernehinnebetennelse (meningitt).

Denne vaksinen er anbefalt å ta kvart 6. år. Vaksinen kostar 500 kroner.

Bestilla time

Kontakt vaksinekontoret på mobil 91 30 38 42 tysdag, onsdag og torsdag klokka 09.00-12.00,
eller på e-post vaksinekontor@vindafjord.kommune.no.

Nettlenke til FHI - Pneumokokkvaksine til risikogrupper

Sist endra 27.09.2023 14.12