Ved alvorlege kriser som langvarig straumbrot og bortfall av elektronisk kommunikasjon må Vindafjord kommune prioritera å hjelpa dei som treng det mest.
Me som kan klara oss sjølve, må vera førebudde på å gjera det så langt det er mogleg, slik at kommunen får hjelpt dei som har større behov for hjelp.
I slike situasjonar vil det vera svært vanskeleg å koma i kontakt med naudetatane (brann, ambulanse og politi) og kommunen.
Nyttig informasjon om eigenberedskap
Ta testen til DSB: Er du førebudd til å miste nettet?
Sjekkliste for eigenberedskap
Under finn du døme på ting det er lurt å ha heime. Du bør gå gjennom behova dine med jamne mellomrom og oppdatera lageret ditt. Hugs at det òg er fullt mogleg å samarbeida med familie, vener og naboar om eigenberedskap.
Mat og Vatn
- drikkevatn på kanner eller flasker.
- Mat som held seg i romtemperatur.
- Grill, kokeapparat eller stormkjøkken.
- Ekstra gass eller anna brensel.
- Mat og vatn til kjæledyr og husdyr.
- Litt kontantar og fleire bankkort.
Informasjon
- DAB-radio med batteri, sveiv eller solceller.
- Batteri og ein opplada batteribank.
- Papirliste med viktige telefonnummer: naudnummer, legevakt, veterinær, familie, vener og naboar.
- Kjennskap til informasjonspunkta i Vindafjord kommune.
Varme og lys
- varme klede og pledd, dyner eller soveposar
- Fyrstikker og stearinlys.
- Ved, om du har vedomn eller peis.
- Gass - eller parafinomn laga for innandørs bruk.
- Avtale om å overnatte hos nokon, dersom du ikkje kan varme opp heimen.
- Lommelykter eller hovudlykter som går på batteri, sveiv eller solceller.
Legemiddel og hygiene
- Medisinar og førstehjelpsutstyr
- Jodtabletter til barn og vaksne under 40 år, gravide og ammande.
- Hygieneartiklar som våtserviettar, handsprit, bleier, toalettpapir, bind og tampongar.
Informasjonspunkt
Ved langvarig straumbrot og bortfall av telefon og internett har Vindafjord kommune faste informasjonspunkt. Her kan du få viktig informasjon og hjelp til å kontakte naudetatane og kommunalt tilsette.
Møt berre opp dersom det er heilt naudsynt og du treng hjelp.
Ølen, Ølensvåg og Bjoa
- Rådhuset, Rådhusplassen 1, 5580 Ølen
Skjold, Vats og Vikebygd
- Skjold Arena, Vikanesvegen 8, 5574 Skjold
Vikedal, Sandeid og Imsland
- Vikedal Bygdahus og idrettshall, Kyrkjehølsvegen 14, 5583 Vikedal
Kart over alle informasjonspunkt i Vindafjord kommune (PDF, 2 MB)