20 år med kreftsjukepleie i Vindafjord – ei varm og fin markering

Det vart ei minnerik og stemningsfull kveld med både fagleg påfyll, musikk og takknemlege ord.

Kvelden starta med enkel servering, før programmet tok til med velkomst og innlegg frå ordførar Ole Johan Vierdal. 

Tidlegare skihoppar Bjørn Einar Romøren heldt eit sterkt og personleg foredrag med tittelen «Frå verdsrekord til livets største utfordring».

150 møtte på Ølen Kulturhus for å markera jubileet. Steinar Sørhus

Belgtøttene sørga for god stemning med musikalske innslag.

Belgtøttene stod for musikalske innslag. Steinar Sørhus

Det vart og gitt blomar og takk til nøkkelpersonar som har vore viktige for utviklinga av kreftsjukepleietenesta:

• Synnøve Brendsdal, som i 2005 sørga for søknad om prosjektmidlar som gjorde oppstarten mogleg.
• Hilde Haraldseide, leiar då tenesta gjekk frå prosjekt til fast stilling i 2007.
• Kitty Soltvedt, noverande leiar, fekk takk for støtta i prosjektarbeid og jubileumsmarkeringa.

Hilde Haraldseide får blomar. Steinar Sørhus

Frivillige frå Frivilligsentralen og fleire bidrog med servering av kaffi, te, frukt og kringle – og skapte ei lun ramme rundt arrangementet.

Takk til alle som kom og gjorde kvelden til ei verdig feiring av ei viktig teneste.

Bildedryss frå kvelden:

Fotograf: Steinar Sørhus