Denne veka har 203 fått dose 1, og 263 har fått dose 2. Talet på fullvaksinerte vindafjordingar er dermed kome opp i 2.195.
Endring i intervall
Som kjent blei det denne veka endring i intervalla mellom 1. og 2. dose. I Vindafjord betyr det at intervall på 9 veker gjeld frå denne veka (23).
– Det blir ingen endringar i oppsette timar for dei som har fått andre intervall tidlegare. Det er derfor ikkje nødvendig å ta kontakt med vaksinekontoret for bytting av time, seier Anne-Beate Økland, beredskapskoordinator smittevern.
Folkehelseinstituttet (FHI) har også sagt at det kan koma ytterlegare endringar i intervall.
– Det seier seg sjølv at det ikkje lar seg gjera å endra alle oppsette timar kvar gong det kjem nye råd som kan tilbakeførast. Årsaka til endringane er ei kontinuerleg vurdering av tilgang til vaksiner med eit mål om å vaksinera flest mogeleg tidlegast mogeleg, seier Økland.
Tilbod i sommar
Sommarferien nærmar seg nå for mange. Frå fredag 11. juni er koronasertifikatet innanlands klart til bruk på helsenorge.no.
– Med tanke på koronasertifikat og vern mot korona, betyr endringar i intervalla lite i og med at sertifikatet er verksamt 3-15 veker etter første dose, seier Økland
Informasjon om koronasertifikat
– Me minner om at reiseråda frå regjeringa framleis gjeld fram til 1. juli der unødvendige utenlandsreiser blir frårådd. Om du likevel vel å reisa, er det viktig å setta seg inn i kva som gjeld i det landet du skal reisa til, oppmodar Økland.
Mange gode råd og informasjon finn du her:
Reiser til og frå utlandet
Utanlandsreiser og koronavirus
Tilbyr koronatestar ved kapasitet
Husk at karantenereglar framleis gjeld for innreise frå dei fleste land. Det er imidlertid opning for å kunna testa seg ut av karantene basert på kva for eit land du kjem frå. Ved utreise er det derimot ofte krav om testing for å få koma inn i landet du skal til.
Testkontoret tilbyr framleis koronatestar i desse tilfella ved kapasitet. Merk at for utreise ved jobb og ferie, er dette ei teneste ein må betala for. Kontoret vil ha ope alle dagar i sommar med unntak av torsdager, laurdager og søndager.
Mer informasjon finn du her.