Her finn du Vikedal på kartet
Vikedal er på mange måtar lik Sandeid. Folketalet er om lag 810. Også Vikedal har gitt rom til ein vesentleg del av den kommunale administrasjonen.
Turistnæringa har spelt ei viktig rolle opp gjennom tida. I eller nær Vikedal sentrum ligg ikkje mindre enn tre campingplassar og ei flott båthamn. Sentrum byr også på både kro og motell og vertshus.
Webkamera Vikedal båthamn
Skomakarnibba er Vikedal sitt svar på Trolltunga. Sagnet fortel om ein skomakar som måtte sitta her og laga eit par sko som straff. Då han var nesten ferdig, mista han nåla og såg ingen annan utveg enn å hoppa etter den frå den stupbratte fjellhylla.
Kommunen har peika ut Vikedal og Imsland som område for utvikling av reiselivsnæringa. Ein god del av denne næringa har vore knytt til Vikedalselva som lakseelv. Mykje av busetnaden rundt elva har halde på fin, gamal byggeskikk.
Vindafjordmuseet ligg i Vikedal og har ei rik samling av gjenstandar frå arbeids- og kvardagsliv. Samlinga viser elles vervartida med fleire modellar av seglskuter
Blant andre verksemder finn ein fleire entreprenørar som Vikedal Mur og Anlegg og A & B Andreassen Maskin.
Oppe i Vikedalsdalen ligg motorsportsanlegget til NMK Vikedal.
Vikedal har idrettshall og eit moderne bygdahus med festsal, scene og lokale for servering.
Vikedal skule er kombinert barne- og ungdomsskule, med barnesteg for Vikedal og Mo, og ungdomssteg for Sandeid, Vikedal og Imsland. Vikedal har også barnehage i nærleiken av sentrum.
Grendeside for Vikedal
Bygdelag og leiarar