Graveløyve og arbeidsvarsling

Ved graving i kommunal veg eller veganlegg (køyrebane, fortau, gang- og sykkelveg, skulder m.m.) skal det søkjast om graveløyve.

Søknaden skal innehalda:

• Tydeleg informasjon om kvar det skal gravast, føremål med gravinga og tidsrom
• Situasjonsplan som viser graveområdet
• Plan for reetablering av vegen, som minimum skal omfatta:
  • Reetablering av eventuell kantstein
  • Kor mykje asfalt som skal skjerast vekk
  • Plan for reetablering av bærelag og frostsikringslag
  • Metode for utkiling og reasfaltering av vegkroppen

Reetablering skal utførast i samsvar med Rettleiar til ledningsforskriften.
Merk særleg:
- Side 30: krav til utkiling
- Side 33: omfang av reasfaltering

Kommunen kan krevja utvida reasfaltering dersom tilstanden på vegen tilseier dette.

Gebyr for graveløyve i kommunal veg: Sjå kommunen si gebyrliste

Ved graving i kommunal grunn som ikkje er veg eller veganlegg, til dømes:
   - park
   - grøntområde
   - friareal
skal det også sendast inn søknad, men gebyr for graveløyve vert ikkje kravd.

Søknaden skal minimum innehalda:

• Kort beskriving av tiltaket og området
• Situasjonsplan eller skisse
• Plan for tilbakeføring av området etter utført gravearbeid, til dømes:
  • jordoppbygging
  • såing/planting
  • istandsetjing av overflate

Kommunen vurderer krava til tilbakeføring i kvart enkelt tilfelle.

Ved arbeid på eller inntil 3 meter frå kommunal veg, skal det liggja føre godkjend arbeidsvarslingsplan.

Det er ikkje gebyr på desse søknadene.

Krav til søknad:

• Arbeidsvarslingsplan skal utarbeidast etter Vegnormal N301 – Arbeid på og ved veg
• Skjema skal fyllast ut i Excel-format 
  • OBS: Skal helst ikkje sendast som PDF, men i xlsx-format
• Gyldig kompetansebevis for ansvarshavande skal leggjast ved
   

Skjema:
Arbeidsvarslingsplan – Vindafjord kommune (Excel) (XLSX, 474 kB)