Akutt forureining

Akutt forureining er forureining som oppstår plutseleg. Dette gjeld blant anna utslepp av olje og kjemikalier, både på land, i sjø, vatn og vassdrag. I slike tilfeller skal den som forureinar, eller oppdagar forureiniga, ringa brannvesenet. Dette gjeld også når det er akutt fare for forureining 

Ring Haugaland brann og redning på 110 eller mobil 91 91 01 11.

Aktivitetar som avfallsdeponi og industriverksemd kan over tid føra til at grunnen i eit område er blitt forureina.

Skal du i gang med bygge- og gravearbeid på ein eigedom der det er grunn til å tru at grunnen kan vere forureina, må du gjera undersøkingar for å kartlegga omfanget og verknaden av ei eventuell forureining.

Så lenge grunnen kan vera forureina, gjeld undersøkingsplikta også i tiltak som ikkje er søknadspliktige etter plan- og bygningslova. Det er tiltakshavar si plikt å vurdera og eventuelt undersøka om grunnen kan vera forureina.

Dersom det viser seg at grunnen er forureina, må det utarbeidast ein tiltaksplan i samsvar med forureiningsforskrifta kapittel 12. Denne skal godkjennast av kommunen før arbeidet set i gong. Undersøking og utarbeiding av tiltaksplan må gjerast av føretak med fagleg kompetanse på området.

Det ikke lov å lagra avfall, eller gjera noko som utgjer fare for forureining. Dette i samsvar med plikta til å unngå forureining i pararaf 7, og forbodet mot forsøpling i paragraf 28 i forurensingslova.

Avfall er definert i forureiningslova paragraf 27 som lausøregjenstandar eller stoff som nokon har kassert, har til hensikt å kassera eller er plikta å kassera. Dersom gjenstandane utgjer fare for forureining, kan kommunen pålegga fjerning utan at dette kjem inn under definisjonen på avfall.

Avfall skal leverast til godkjent mottak.

Gjenstander som blir dumpa i naturen, eller står til forfall, er skjemmande. I tillegg kan glaskår, metallskrot, gjerderestar og anna utgjera skadeleg fare for dyr og fuglar. Avfall kan også medføra fare for forurensing. Elektronikk, bilvrak, maling, oljerestar og bygg- og revningsavfall kan ha ein høg forureiningsrisiko. 

Den som har forsøpla eller forureina er ansvarleg for å rydda opp og ta kostnaden. Grunneigar kan også bli pålagt å rydda dersom det ikke er mogeleg å seia hvem som er skuldig i forsøplinga.

Ulovleg dumping eller lagring av avfall vil resultera i pålegg om opprydding og tvangsmulkt, eller rydding for eigar si rekning om pålegget ikkje blir etterkome. Storleiken på tvangsmulkta avheng av omfanget, men vil vera større enn leveringskostnadane til godkjent mottak.

Alle som driv næringsverksemd har plikt til å ha ei ordning for handtering av sitt avfall. Det er mange firma som tilbyr denne tjenesta.

Sidan 2020 er det forbode med olje og parafin som oppvarmingskjelder i bustadar, offentlege bygg og næringsbygg.

Størsteparten av nedgravde oljetanker er «villatankar», og dei fleste finn ein i etablerte bustadstrøk. Dersom det oppstår lekkasje i ein oljetank kan nabolaget bli påverka, og olja kan gjera skade på vegetasjon, grunnvatn og lokale bekkar. Eigar av tank har ansvaret.

Dersom det skulle oppstår lekkasje på tank eller røyrsystem, uansett storleik på tanken, er det eigaren som må betala kostnadene for å fjerna olja og oljeforureina masse. Kostnadane kan bli store, og forsikringsselskapa er svært restriktive med å utbetala skadeerstatning. Dette vil også gjelda for skader påført naboeigedom.