Forskrift om tilskot til nærings- og miljøtiltak i skogbruket (NMSK)
Dette er eit statleg tilskot som statsforvaltaren organiserer, men som blir forvalta av kommunane ut frå reglane i NMSK-forskrifta og vedtatte lokale, langsiktige planar.
Tiltaksstrategi NMSK 2023-2026 for Vindafjord (PDF, 934 kB)
Eksempel på tilskotssatsar
- Planting etter gran og sitkagran: 40 prosent
- Planting etter furu, lerk og lauv: 60 prosent
- Suppleringsplanting: 50 prosent
- Ungskogpleie: 50 prosent
Vilkår
Rettleiande kostnadsgrenser og maksimalsatsar for skogkulturkostnader utarbeidd av Statsforvaltaren skal leggast til grunn for utmåling av tilskot.
Det skal berre brukast godkjente treslag og proveniensar i tråd med Skogfrøverket sine anbefalingar for Vindafjord kommune sitt område og høgdelag.
Tilskot til tettare planting som klimatiltak
Kommunen forvaltar ordninga i tråd med reglane i NMSK-forskrifta og fastsette miljøkrav. Midlane inngår i ein felles pott for heile landet, og Landbruksdirektoratet har sett felles tilskotssatsar og fristar.
Tilskotssatsar for 2022
- Gjødsling av skog: inntil 50 prosent
- Tettare planting ved nyplanting: inntil 60 prosent
- Suppleringsplanting: inntil 40 prosent
Ved nyplanting kan det gjevast tilskot for inntil 50 planter/daa utover eit fastsett bonitetsavhengig minimumstal.
Ved supplering kan det gjevast tilskot for å komme opp på eit minimum plantetal/daa på ulike bonitetar.
Tilskotssatsane er fastsette på grunnlag av tildelinga og venta aktivitet. Dersom søknadsmengda blir større enn tildelinga, kan satsane bli redusert. Det vil i tilfelle mest sannsynleg kunna skje i siste søknadsomgang (25. november).
Søknadsomganger og fristar
- Gjødsling av skog: 15. september
- Tettare planting ved nyplanting: 25. november
- Suppleringsplanting: 25. november
For seint innkomne søknader blir ikkje tildelt tilskot.
Slik søker du
Les meir om ordninga og søk om tilskot på nettsidene til landbruksdirektoratet.
Kommunalt tilskot til skogkultur
Det kommunale tilskotet gjeld dei same tiltaka som NMSK-tilskotet. Dei siste åra har satsane variert mellom 10-15 prosent avhenging av forventa aktivitet i forhold til budsjettet.
Slik søker du
Søknad om tilskot kan leverast digitalt i Skogfondssystemet via AltInn
eller på skjema (PDF, 168 kB) til kommunen innan innan 25. november for planting, jamfør fristen for klimatilskotet.
Send derfor søknaden om tilskot til skogkultur så snart du har mottatt fakturaen, eventuelt etterspør fakturaen om tida begynner å bli knapp. Faktura og kart skal følga søknaden.
Søknad om tilskot til andre skogkulturtiltak, som til dømes ungskogpleie, bør ikkje leverast kommunen seinare enn 25. november, om me skal klara å registrera og behandla søknadane i økonomisystemet for skogbruk (ØKS) før fristen ved utgangen av november.