Gode landbruksvegar er viktige for å koma fram til ressursane på ein lettare måte, og for å kunna driva garden meir effektivt.
Ein godt plassert skogsveg med rett vegklasse gir grunnlag for meir rasjonell utnytting av skogressursane. Transportkostnadane ved utkøyring av tømmer blir lågare, samtidig som det blir lettare å koma til for skjøtsel av skogen, som nyplanting etter hogst og lauvrydding i ungskog
Større veganlegg
Ved større veganlegg vil det vera hensiktsmessig å nytta vegplanleggar.
Prosjektet «Gode skogsvegløysingar gjennom realisering av hovudplan skogsveg 2020-2022» er i regi av statsforvaltaren i Rogaland, i samarbeid Rogaland fylkeskommune, kommunane og skognæringa. Prosjektet består av 1,5 årsverk over ein treårs periode.
Prosjektet sitt hovudmål er å auka verdiskapinga og utnyttinga av skogressursane. Dette kan ein oppnå med framtidsretta vegløysingar og godt vedlikehald.
Prosjektleiaren er vegplanleggar og utfører prosjektering av skogsveganlegg i heile Rogaland.
Ta kontakt med kommunen om du er interessert i å nytta vegplanleggaren.
Nyttige lenker
Slik søker du
Du finn meir informasjon om korleis du søker om bygging av landbruksveg, rettleiing og søknadsskjema på Landbruksdirektoratet sine nettsider.
Søknadsskjema bygging av landbruksveg
Utfylt søknadsskjema sender du til landbruk@vindafjord.kommune.no.
Treng du hjelp til å søka, ta kontakt med Gitte Halvorsen.
Kva kostar det?