Vikedal

Tilkomst og parkering

Følg fylkesveg 46 til Vikedal. I Vikedal sentrum tar du av til idrettsplassen og parkerer der. Her startar turen og du finn informasjonstavle mellom bygdahuset og kunstgrasbanen.

Om turen

Følg løype som vist på kartet. Start med å gå forbi kafédelen på bygdahuset, og ta til høgre ved kunstgrasbanen. Her kjem du til eit kryss kor du tar til venstre. Følg vegen til båthamna som det er verdt å ta ein tur innom, og fortsett vidare til campingplassen. Ved den første campingvogna kan du kan ta ein avstikkar ned til den flotte stranda. Fortsett om lag 50 meter inn på campingplassen, og ta til venstre opp bakken til «nye» Holmen bustadfelt. Hold mot høgre og gå rett fram til vegen går over til grusveg i enden av feltet. Fortsett vidare til du kjem til ei trebru som går over Kyrkjehølen. Du passerer ein lavvo og fortsett vidare på grusvegen langs Kyrkjehølen. Ta til høgre mellom grasbanen og sandvolleyball-anlegget, og fortsett vidare fram tilbake til der turen starta.

Avstand

Omlag 1,4 kilometer (rundtur).

Tidsbruk

Omlag 45 minutt (rundtur).

Vanskegrad

Tilrettelagt
Forklaring til fargekodane (PDF, 178 kB)

Turkart

Digitalt kart

Ut.no

Brua ved Kyrkjehølen Lillian Austrheim

​Tilkomst og parkering

Frå Vikedal sentrum tek du av fylkesveg 46 og køyrer mot Roaldkvam (fylkesveg 745). Køyr rett fram ved første bru og forsett vidare på fjellgardvegen. Etter om lag 7 km frå Vikedal sentrum kjem du til Låkafossen, der turen startar. Parkeringsplass, samt turtavle med informasjon, finn du på høgre side av vegen før brua.

Om turen

Frå Låkafossen følgjer du merka sti inn på traktorveg. Eit stykke oppe i lia kjem du til Ole`s steinbu. Ta til høgre ved steinbuene. Etter om lag 150 meter kjem du fram til ein fin utsiktsplass – Geitahedla. Turen vidare frå steinbuene går på traktorveg som går over til sti. Etter nokre hundre meter kjem du til eit skilt som viser veg til Ilstveit og Imsland, samt rundtur rundt Ulvavollsvatnet på vel 2 km. Forsett vidare på stien rett fram til du kjem ned til nordenden av Ulvavollsvatnet, og følg skilt til venstre når du passerer ei hytte. Etter omlag 750 meter, tar du av stien til høgre. Herifrå går stien bratt oppover fjellryggen, og det er eit strekke kor det er mogleg å halde seg i tau. Etter om lag 1.5 kilometer er du framme ved toppen. Følg stien tilbake til krysset, og gå enten same veg tilbake, eller ta til høgre og følg merka sti via Koladalen på vel 3,4 km tilbake til turstart.

Avstand

8,4 kilometer tur/retur

Tidsbruk

Mellom 3 til 4 timar tur/retur.

Vanskegrad​

Forklaring til fargekodane (PDF, 178 kB)

​Turkart (PDF, 4 MB)

Digitalt turkart

​

På veg til Ulvavollsnuten Kjetil Austrheim

Tilkomst og parkering

Parker i Vikedal sentrum t.d. ved idrettshallen.

Om turen

Gå over brua over Vikedalselva og ta til høgre inn på Opsalsvegen. Etter ca. 500 m kjem du til eit fjøs, her tar du av til venstre ved informasjonskilt. Fortsett på traktorveg, oppover eit beite. Her går det sauer heile året, så husk bandtvang. Gå 250 m gjennom granskog, ta av frå vegen til venstre ved skilt og følg merkinga til Kløyvahumpen. Først kjem du til Familiebenken (her er det bålpanne), og 150 m etterpå (skilta utsiktspunkt) kjem du til Utsiktsbenken med turkassen, med flott utsikt over sentrum. Frå Utsiktsbenken kan du returnera til Familiebenken, og så gå ein rundtur mot vest via Svermebenken. Rundturen er på 1,4 km, med nydelig sjøutsikt ved Svermebenken. Retur til sentrum kan gå same veg du kom eller  direkte ned frå Utsiktsbenken til fylkesvegen. Stien her er noko bratt og og det kan vera glatt i vått vêr. NB: Ikkje gang- og sykkelveg langs fylkesvegen.

Avstand

Omlag 3,5 kilometer frå brua (tur/retur).

Tidsbruk

Omlag 1 time (tur/retur).

Vanskegrad

Forklaring til fargekodane (PDF, 178 kB)
 

Turkart (PDF, 2 MB)

Digitalt kart

Tilkomst og parkering

Frå Vikedal sentrum tek du av til Vikedalsdalen på Movegen. Køyr 14,1 kilometer og du er ved garden Gislehaugen ved Fjellgardsvatnet. Infotavla står på høgre sida av vegen rett før det raude naustet ved vatnet.

Parker litt lenger framme på høgre sida av vegen. Her ved vatnet er ein flott stad for ein rast og ein liten matbit.

Om turen

Turen følgjer same merka sti som til Bjørndalsnuten, merka med raude pinnar og skilt til Bjørndalsnuten. Du går gjennom småkuppert skog og på berg ned til breidda av Storelva, som her renn roleg og flott. Her begynner stigninga.

Ei god bru er sett opp rett før Sjurstøl. Turkassen står på flata når du ser stølen. Sjurstøl er ein gamal buplass, busett til utpå 1900-talet. Det var husdyrhald her, som på Bjørnstigen.

Terreng

I starten går stien over berggrunn, som går over i terreng med enkelte blaute parti.

Avstand

6,0 kilometer tur/retur.

Tidsbruk

Om lag 2,5 time tur/retur.

Vanskegrad

Turkart (PDF, 3 MB)

Digitalt kart

Ut.no

Bilete

Tilkomst og parkering

Frå Vikedal sentrum tek du av til Roaldkvam. Køyr 14,1 kilometer og du er nå ved garden Gislehaugen innerst ved Fjellgardsvatnet. Infotavla står ved høgre sida av vegen rett før det raude naustet ved vatnet. Parker litt lenger framme på høgre side av vegen. Her ved vatnet er det ein flott stad for ein liten matbit.

Om turen

Bjørndalsnuten er det høgaste fjellet i Vindafjord kommune og ligg i eit område med flott og variert turterreng. Turen er merka med skilt og raude pinnar, og går gjennom småkupert skog og berggrunn ned til bredda av Storelva, som her renn roleg og flott. Stigning begynner, og ei solid bru er sett opp rett før Sjurstøl. Ny stigning og Krossvatnet ligg til venstre.

Turen stig igjen, og så ber det ned til Sørelva. Elva kan kryssast, og prosjektet med ny bru er under arbeid. Det er nå flatare lende ved foten til Bjørndalsnuten til venstre og Risvatnet til høgre. Når du har passert Stølshyttene til Kambe og Reimers, er du ved Endegarane. 

Ei rast her og påfyll til vassflaska  er lurt, før 500 høgdemeter kjem mot deg. Høgenut og Bjørndalsnuten ventar. Ta fram kartet og finn ut kva du ser av vatn og toppar når du er ved målet, og nyt resten av nistepakka.

Avstand til målet

Det er om lag 12 kilometer til målet der postkassen står. Turen tek frå 8-10 timar tur/retur. Gode fjellsko og klede er nødvendig.

Vanskegrad

Raud tur. Turen er lang og har mykje stigning, men det er ein veldig flott tur for dei som er i brukbar form. Her må ein nok setja av heile dagen.

Tilkomst og parkering

Frå Vikedal sentrum tek du av til Vikedalsdalen (skilta Roaldkvam). Køyr 3 kilometer og ta til venstre over Ørnesbrua. Følg skilt til Mo, om lag 1 kilometer. Ta så av til venstre til Førland, og etter om lag 1,8 kilometer er du ved gardsbruket Eikeland. Infotavla står her ved vegen. Parkering på kanten ovanfor poststativ. Vis omsyn for privat ferdsel.

Om turen

Gå mot det nordlegaste uthuset i tunet og følg (gjila) oppover mellom to steingardar. Oppe i lia tek stien ei sørleg retning og kjem over på skogsveg. Der skogsvegen tek slutt, vil du om du held fram nordvest koma til Eikelandsstølen, eller Kopen som me seier. Du skal til Lysenuten og går sørvest. Følg raude pinnar. Du er nå ved eit flott utsiktspunkt til Sandeid, Vikedal og Lysenuten rett fram.

Det er framleis køyrespor etter Nato-utbygginga på toppane. Du må passera ei myr på vestleg side, og kjem til ein god rasteplass kalla Larshidler. Følg merkepinnane og nyt utsikten. Tilbaketuren skulle vera grei, men du kan også følgja merka sti, retning sørvest, ned mot Hestanipturen og følgja den ned til Opsal.

Avstand

9,0 kilometer tur/retur.

Tidsbruk

Om lag 3,5 time tur/retur.

Vanskegrad

Raud tur (på grunn av høgdemeter, men elles lett å gå på sti og veg)

Turkart som pdf (PDF, 2 MB)
Ut.no

Anna informasjon

Lysenuten var tidlegare ein bemanna Nato-stasjon. No er den brukt i militært og sivilt nettverk. Det var mange som hadde godt, fast arbeid her frå 1960 til 1990. Transporten opp gjekk med taubane frå Ørnes, noko som kunne vera utfordrande i uvêr. Om banen stoppa, hadde dei utstyr til å fira seg ned til bakkenivå, om lag 180 m på det høgaste, men det vart aldri nytta.

Tilkomst og parkering

Frå Vikedal sentrum tek du av mot Vikedalsdalen (Movegen). Køyr 3 kilometer, og du er framme ved den nedlagte taubanen til Lysenuten. Informasjonstavla står her på høgre sida av vegen. Parker om lag 100 meter lenger fram, nede på tunet til garden Ørnes. Ta omsyn til nødvendig ferdsel for dei fastbuande.

Om turen

Frå infotavla følgjer du merkinga inn på traktorveg. Eit stykke oppe i lia går turen over i godt merka sti som svingar seg i flott terreng oppover. Skomakarnibba er ei stupbratt berghylle («nase» som stikk ut).

Sagnet fortel om ein skomakar som måtte sitta her og laga eit par sko som straff. Då han var nesten ferdig, mista han nåla, og såg ingen annan utveg enn å hoppa etter den. Ver forsiktig her ute, og pass på barna. Eit godt alternativ til returen er på merka sti ned til garden Bala. Det vert då ein fin rundtur med om lag 5 minuttars gange tilbake til bilen.

Terreng

Traktorveg eit stykke, så bratt sti, enkelte blaute parti.

Avstand

3,4 kilometer tur/retur. Med tilbaketur via Bala gard (rundtur): 4,3 kilometer.

Tidsbruk

Om lag 1 time og 15 minutt tur/retur (rundtur:1 time og 45 minutt).

Vanskegrad

Turkart

Digitalt turkart

Ut.no

Ut.no - Rundtur

Tilkomst og parkering

Frå Vikedal sentrum tek du av til Roaldkvam. Følg skilta 15,1 kilometer til enden av Fjellgardsvatnet. Køyr over brua her inne og ta til høgre ved skilt. Det er god plass her på høgre sida av vegen. Infotavla står her.

Om turen

Bjørnstigen er eit ynda mål på grunn av si fine utsikt og unike historie. Første del av turen er lett, og du får Grunnavatnet på høgre hand. Her er gode fiskemoglegheiter, og du vil finna ei perle av ein plass for bading i nedre del av vatnet. På veg oppover får du fin utsikt over Fjellgardsvatnet med rasteplass.

Husmannsplassen Bjørnstigen under Roaldkvam, no Ørekjerven, ligg tett innunder høge berg. Her har folk heilt frå 1600-talet og fram til 1906 slite og streva for føda. Huset brann ned på 1700-talet, og då budde folka i ei hole oppe i ura – Madsastova – medan dei bygde nytt hus.

Huset vart flytta ned til Ørnes i 1908 og rive i 1989. Det vart lagra, restaurert og flytta tilbake att av eldsjeler i bygda i samarbeid med Mo skule og Falken 4H, eit stort prosjekt. Huset står på dei gamle murane. Eldhus er restaurert, og murane syner at fjøset var bygd saman med stovehuset. Steinhellene der kyrne sto,  ligg der den dag i dag.

Returen kan gjerast inn til Botnavatnet. Ta til høgre over Sørelva, via Sjurstølen og heim, 5-6 timar. Du kan også ta til venstre i Prestabotn og gå mot Etne (Kritle) under Bjørndalsvia. Til Sauda via Nore Bjørndalen, eller til Tysseland via Søre Bjørndalen.

Avstand til målet

Det er vel 2 kilometer fram til Bjørnstigen, og turen tar om lag 2 timar tur/retur. Følg traktorvegen oppover. Nesten framme tek du til venstre ved skilt. Her går turen over i sti.

Vanskegrad

Grønn tur med grei traktorveg nesten heilt fram.

Fottøy

Vanlege tette sko. Fjellsko om du tek turen vidare frå Bjørnstigen

Turkart som pdf (PDF, 2 MB)

Digitalt kart

Tilkomst og parkering

Frå Vikedal sentrum tek du av til Vikedalsdalen (Movegen). Køyr til endes på vegen, og du er framme ved garden Roaldkvam inst ved Fjellgardsvatnet. Infotavla står inne på tunet. Ta omsyn til nødvendig ferdsel for dei fastbuande.

Om turen

Dette er ein fin tur, og berre turen opp med bil frå Vikedal er ei oppleving i seg sjølv. Frå infotavla og vidare inn på traktorvegen er det merka med skilt og raude pinnar. Vegen svingar seg i flott skogsterreng oppover lia.

Der skogsvegen sluttar, passar det godt med ei rast og eit tilbakeblikk på Fjellgardsvatnet. Turen vidare går over i godt merka sti. Ved målet har du storslagen utsikt blant anna innover Bjørndalen, og tida er inne for resten av nistepakken om vêret tillet det.

Terreng

Traktorveg på godt halve turen. Resten på fin sti.

Avstand

7,9 kilometer tur/retur

Tidsbruk

3-3,5 timar tur/retur

Vanskegrad

Raud tur (PDF, 145 kB)

Turkart (PDF, 3 MB)

Digitalt kart

Ut.no

Tilkomst og parkering

Frå Vikedal sentrum tek du inn på Oppsalsvegen rett ved brua. Køyr 500 meter, og du er framme ved garden Opsal, tidlegare skrivargard. Infotavla står her på venstre sida av vegen rett etter tunet. Parker litt lenger framme på begge sider av vegen ved raudt lagerbygg. Ta omsyn til fastbuande og deira ferdsel med traktor og maskinar.

Om turen

Det vert arrangert løp kvart år her, som Hestanipen opp 509. Turen er godt merka med skilt og raude pinnar, men det er berre å følgja traktorvegen oppover. Etter ein halv times gange (om lag 1 kilometer) kan du om du vil ta av til venstre og følgja traktorveg tilbake til sentrum.

Turen svingar seg oppover lia i tidvis svært bratt terreng og flotte utsiktspunkt. Etter om lag 2,3 kilometer kan du også ta av mot høgre til Lysenuten på godt merka sti og vidare mot Eikeland om du vil. Du passerer Grimaashytta ved runding av ein kolle, og turen går nå over i merka sti, litt myrlendt. Vel framme på toppen er det berre å nyta utsikta og kanskje medbrakt niste.

Avstand

Det er om lag 3 kilometer til toppen der postkassa står.

Tidsbruk

Turen tek om lag 2 timar tur/retur.

Vanskegrad

Turkart

Digitalt kart

Ut.no

Bilete

Tilkomst og parkering

Frå Vikedal sentrum tek du av til Roaldkvam. Køyr rett fram, også ved Ørnesbrua som du snart kjem til etter 3 kilometer. Etter 7,2 kilometer er du framme ved Lakafossen der turen startar. Her står også infotavla.

Parker ved kalkingsannlegget, men det må vera plass igjen til tankbil. Parker eventuelt over brua borte ved vegkryss.

Om turen

Frå Lakafossen følgjer du skilta og raude pinnar inn på fin traktorveg. Eit stykke oppe i lia kjem du til Ole si steinbu. Denne gamle stølsplassen har Ole Fatland restaurert fint opp og bevart gamle ting i husa. Eit av husa har namnet Moldhytta. Det vart mjølka kyr her før i tida.

Tar du til høgre her ved steinbuene, kjem du fram til ein fin utsiktsplass. Kanskje det passar med ein matpause i dette omradet. Turen går vidare på fin traktorveg som går over i sti. Hullahalo er neste merka plass, kanskje kjem ei hulder fram? 

Følg raude pinnar innover til skilt som viser veg til Ilstveit og Imsland, kanskje ein rundtur. Men målet er rett fram til sandstranda ved vatnet. Eit anna alternativ er no rett nord, og du kjem inn på sti til Koladalen, ein ny rundtur.

Terreng

Fin traktorveg halve turen. Turen gar sa over i litt varierande terreng over bekker og myrar, sa ha gode tette sko.

Avstand til målet

Det er om lag 1,8 kilometer fram til Ulvevoldsvatnet, og turen tar om lag 2 timar tur/retur. Postkassen er plassert på den fine sandstranda der du først kjem ned.

Vanskegrad

Turkart

Digitalt kart

Ut.no

Bilete