Bjoa

Følg Vadhytta på Facebook!

Utsikt frå Nordre Baslifjell Ingrid Johannessen

Vadhytta (Dagsturhytta) 272 moh. - Tilrettelagt tur 2023

Tilkomst og parkering

Du kan nå Vadhytta både frå Bjoa og Ølensvåg.

Frå Bjoa: Ta av frå Bjoavegen ved skiltet til Dalen og følg Eikåsvegen nesten til endes. Like før brua i Eikås, ta av til venstre og følg skogsbilveg opp til parkeringsplass. Her er det skilta til Vadhytta.

Frå Ølensvåg: Ta av E134 inn på Bjoavegen. Etter om lag 300 m ta av til venstre og følg Duelandsvegen til parkeringsplass. Du kan og parkera nede ved Bjoavegen, der du tar av til Duelandsvegen.

Om turen

Både frå Bjoa og Ølensvåg er det god grusveg. Frå Bjoa går turvegen i lett terreng. Eigna for sykkel, barnevogn og rullestol. Frå Ølensvåg er det eit bratt stykke i starten, men det flatar ut på toppen.

Dagsturhytta

Dagsturhytta i Vindafjord har fått namnet Vadhytta. Målet med dagsturhytta er aktiv fritid for alle. Tilkomstveg og sjølve hytta med toalettfasilitetar er universelt utforma. Dagsturhytta skal kunne nåast av flest mogleg, uavhengig av helse og kondisjon.
Samstundes skal det vera eit attraktivt turmål å besøka fleire gonger, også for røynde turgåarar. Du vil og finna eit «mini»-bibliotek i hytta. Dette skal driftast av Vindafjord bibliotek.

Avstand

Bjoa: Omlag 2,8 kilometer (tur/retur).
Ølensvåg: Omlag 7,3 kilometer (tur/retur) frå starten av Duelandsvegen.

Tidsbruk

Bjoa: Omlag 40 minutter (tur/retur).
Ølensvåg: Omlag 2 timar (tur/retur) frå starten av Duelandsvegen.

Vanskegrad

Bjoa: Tilrettelagt

Ølensvåg:

Berit Hetland

Gråhorgja 740 m.o.h.

Du har to ruter å vel mellom når du skal bestiga Gråhorgja:

Til Gråhorgja frå Leite

Kjør opp bakken på Eikåsvegen. Parkering og infotavle på venstre hand. Følg traktorveg i flatt terreng inn til nordenden av Bjoavatnet. Herfrå går turen på traktorveg i nokså bratt stigning. Eit stykke oppe i hogstfeltet tar stien av frå traktorvegen, og det er merka sti heilt til topps. Det er mykje vått terreng både på traktorvegen og på stien. Husafjell er første flotte utsiktspunkt. Stien vidare oppover går i ope terreng med vidt utsyn på store delar av turen. Fantastisk utsikt på toppen!

Til Gråhorgja frå Kolbeinshauglia

Følg Eikåsvegen nesten til endes. Like før brua i Eikås, ta av til venstre og følg skogsbilveg opp til parkeringsplass. Godt skilta. Turen startar på skogsbilveg i retning søraust, gjennom Ølsdalen og tar så av frå denne på andre traktorveg til venstre. Eit stykke opp i traktorvegen tar merka sti av på høgre side. Sjå etter skilt. Første del av stien går i bratt terreng. Når du kjem over tregrensa blir stigninga slakare, og det blir lett og fint å gå.

Tilkomst og parkering

Følg Fylkesveg 543 frå Ølensvåg til Innbjoa, om lag 15 kilometer utover langs fjorden. Ta av til venstre ved skilt til Dalen.

Vil du gå til Gråhorgja har du to val;

1. Start frå Leite. Køyr opp bakken på veg mot Dalen. Parkering og infotavle på venstre hand.

2. Start frå Kolbeinshauglia. Følg vegskilta til Dalen. I andre vegkryss, følg veg skilta til Eikås. Like før brua i Eikås, ta av til venstre og følg skogsbilveg opp til tømmervelteplass og parkeringsplass.

Avstand

Frå Leite: 8,4 km tur/retur
Frå Kolbeinshauglia: 7,8 km tur/retur

Tidsbruk

Frå Leite: om lag 3,5 timar tur/retur.
Frå Kolbeinshauglia: om lag 2,5 timar tur/retur.

Vanskegrad

Ut.no - frå Kolbeinshauglia

Ut.no - frå Leite

Utsikt Ingrid Johannessen

Kulturstien på Utbjoa 7 moh.

Tilkomst og parkering

Ta av frå E 134 ved Ølensvåg og følg Fylkesveg 543 til Utbjoa fergekai. Parkering og informasjonstavle på kaien.

Om turen

Start frå parkeringsplass på Utbjoa fergekai. Her er informasjonstavle og skilt som viser veg. Første del av turen går på veg, men går fort over på sti. Turen går i lett, kupert terreng med ein del fuktige område innimellom.

Kulturstien passerer fire helleristningsfelt og to felt med skålgroper i berg. I dag ligg her også fem gravrøyser langs stien. Tidlegare har her vore fire til. Bak eksisterande naustmiljø i Utbjoavågen finn ein rester etter gamle båtstøer som kanskje kan vera frå før-reformatorisk tid. Det er sett opp skilt med informasjon på nokre av fornminna.

Deler av turen går i strandsona, og du er aldri lengre vekke enn at du kan ta deg fram til sjøkanten om du vil ha fritt utsyn mot Sunnhordlandsbassenget i nord.

Det eine fornminnet, ei gravrøys, ligg strategisk plassert i innløpet til Utbjoavågen med god utsikt til sjøen og busetnaden i vågen. Nistepakka kan du nyta på eit berg i strandkanten. Om du tar ein sein kveldstur i finvêret kan du også nyta solnedgangen i vest.

Terreng

Sti med nokre fuktige område. Kystlandskap med kupert terreng og variert vegetasjon.

Avstand

Rundtur på om lag 3 kilometer.

Tidsbruk

Rundturen tar om lag 1-2 timar.

Vanskegrad

For meir utfyllande informasjon:

Ut.no

Bjoavatnet rundt 95 moh. - Tilrettelagt tur

Tilkomst og parkering

Ta av frå Fylkesveg 543, Bjoavegen, inn på Eikåsvegen i kryss skilta til mellom anna Dalen. Køyr opp bakken, om lag 450 meter, til du kjem til parkeringsplass på venstre side av vegen. Her finn du informasjonstavle.

Om turen

Følg grusveg gjennom granskog i sørleg retning, om lag 350 meter. Ta til venstre og følg skogsbilveg inn til tømmervelteplass ved enden av Bjoavatnet. Herfrå går turen på nybygd turveg langs vatnet i sørleg retning (ikkje følg skilt til Gråhorgja).

I sørenden av vatnet svingar løypa mot vest og kjem ut på Eikåsvegen (asfaltert veg). Følg Eikåsvegen nordover og tilbake til utgangspunktet. Det er plassert ut bord og benker på fire stadar på austsida av vatnet. To stadar har også bålpanne for grilling. Turkassen er på den første rasteplassen.

Terreng

Turveg rundt vatnet i skogsterreng med varierande vegetasjon. Turvegen er grusa og har god standard for rullestol, barnevogn, sykkel med meir. Lange flate parti, berre kortare strekk med litt stigning.

Avstand

3,2 kilometer (rundtur).

Tidsbruk

Om lag 45 minutt (rundtur).

Vanskegrad

Tilrettelagt
Forklaring til fargekodane (PDF, 178 kB)

Husafjellet 365 m.o.h.

Tilkomst og parkering

Ta av frå Fylkesveg 543, Bjoavegen, inn på Eikåsvegen i kryss skilta til mellom anna Dalen. Køyr opp bakken, om lag 450 meter, til du kjem til parkeringsplass på venstre side av vegen. Informasjonstavle.

Om turen

Følg skilta til Gråhorgja. Turen startar på grusveg gjennom granskog i sørleg retning, om lag 350 meter. Ta så til venstre og følg skogsbilveg inn til tømmervelteplass ved enden av Bjoavatnet. Følg merking til Gråhorgja vidare.

Løypa følgjer eit eldre og noko gjengrodd traktorspor oppover. Etter om lag 1 kilometer tar du av frå traktorsporet og over på merka sti til Husafjellet. Ønskjer du ein lengre tur, kan du halda fram på merka sti til Gråhorghytta (645 m.o.h.) eller til toppen av Gråhorgja (740 m.o.h.).

Terreng

Første delen av turen går i flatt terreng på grusveg inn til Bjoavatnet. Derfrå startar oppstiging i skråli med skogsterreng. Størstedelen av turen går på sti. Det er mykje vått terreng både i traktorsporet og på stien. Nokre stadar er stien bratt. Frå toppen får du utsikt mot både fjord og fjell.

Avstand

Om lag 3,8 kilometer tur/retur.

Tidsbruk

Om lag 1 time og 45 minuttar tur/retur.

Vanskegrad

Utsikt frå stien mot Apalvik og Borgundøy. Ingrid Johannessen

Hytta på Gråhorgja 645 m.o.h.

Tilkomst og parkering

Følg Bjoavegen frå Ølensvåg til Innbjoa, om lag 15 kilometer utover langs fjorden. Ta av til venstre ved skilt til Dalen. Følg Eikåsvegen sørover dalen om lag 3,8 kilometer. Like før brua i Eikås tar du til venstre og følgjer skogsbilveg til tømmervelteplass og parkeringsplass.

Om turen

Følg skogsbilveg i retning søraust, gjennom Ølsdalen. Her kan du velja å gå opp første eller andre skogsveg til venstre. Ved første skogsveg til venstre står det skilt til Gråhorgja og Gråhorgjhytta. Dette er den kortaste, men våtaste vegen til hytta.

Du kan også gå vidare til den andre skogsvegen til venstre. Det er denne turen som er forklart nedanfor.

Eit stykke opp i skogvegen, tar du merka løype av på sti på høgre side. Sjå etter skilt. Eit lite stykke over tregrensa deler stien seg. Sti til venstre fører til hytta, medan sti til høgre fører til toppen (740 m.o.h.). Hytta ligg i nordenden av Krokavatnet. Utsikt undervegs til Dalsbruket og Skrefjellet og sørover til Bukkanibba og Vats.

Eit godt alternativ til å gå same veg tilbake, er å følgja merka løype til toppen av Gråhorgja – som er eit flott utsiktspunkt – og så følgja merka løype nedover og tilbake til møtet med stien du kom opp frå Kolbeinshauglia. Eit anna alternativ er å gå merka løype via Bordalsskar ned igjen til parkeringsplassen.

Terreng

Første del av stien går i bratt terreng, over tregrensa blir stigninga slakare og det blir lett og fint å gå.

Avstand

7,6 kilometer tur/retur.

Tidsbruk

Om lag 2 timar tur/retur.

Vanskegrad

Digitalt turkart frå Leite

Turkart (PDF, 3 MB)- viser stien som føljer den andre skogsvegen til venstre

Digitalt turkart frå Kolbeinshauglia - viser stien som føljer den andre skogsvegen til venstre

Ut.no - viser stien som føljer den andre skogsvegen til venstre

Gunnar Dalen

Låklinuten 391 m.o.h.

Tilkomst og parkering

Frå Innbjoa: Følg Fylkesveg 543 (Bjoavegen) utover fjorden forbi Bjoa kyrkje. Etter å ha passert Bjoa Auto køyrer du om lag 350 meter til du får skilt om badeplass (Vedvika) på høgre side.

Frå Utbjoa: Når du har passert kryss ned til ferjekaien, køyr om lag 1,6 kilometer til du kjem til skilt om badeplass (Vedvika) på venstre hand.

Om turen

Turen startar frå tømmervelteplass på oppsida av fylkesvegen. Følg ny skogsbilveg som går i ganske bratt lende gjennom blandingsskog opp til Hedleberget. Følg vidare merka løype på traktorveg frå Hedleberget, oppover så langt skogsvegen går.

Øvre del av skogsvegen går i myrlendt terreng og er til dels ganske våt. Vidare følgjer du merka sti opp til toppen av Låklinuten. Flott utsikt på toppen!

Terreng

Skogsveg og sti.

Avstand

Om lag 5,6 kilometer tur/retur.

Tidsbruk

Om lag 3 timar tur/retur.

Vanskegrad

Turkart (PDF, 3 MB)

Anna
Turen til Lokklinuten går forbi Hedleberget. Hedleberget er eit gamalt hellebrot der det er tatt ut ei stor mengd skiferstein opp gjennom tida. Det fins ingen rapportar om kor mykje som er teke ut, men lensmannen i Fjellberg nemner i femårsmeldinga for 1861-1865 at 4-5 mann jobba tre fjerdedelar av året i Hedleberget. Eigaren fekk halvparten av inntekta, dei som jobba fekk resten.

Den første tida brukte dei jernkilar, hamrar og treverktøy. Seinare kom sjølvsagt minebor, krut og dynamitt i bruk. Steinblokkene vart sprengt ut, deretter kløyvd for hand etter dei naturlege kløyveflatane som skiferen ligg i.

Det vart laga fleire storleikar, og forutan naturlege heller vart skiferen klipt med skantesaks etter mal. Taket på Håvard Lothe sitt hus er av heller frå Hedleberget. Den langstrakte haugen med småheller som ligg over alt, er avskjer etter produksjonen. Du kan i dag sjå muren etter eit lite arbeidshus som stod her.

Etter ein fin topptur, kan det vere verd å ta turen ned i Vedvika der det er ei fantastisk fin badestrand.

Andre turar i området
På veg til Lokklinuten passerar du også tursti til Kyrkjenuten, Sandvik og Steinsland. Sjå skilting.

Låklinuten

Vikestølen 327 m.o.h.

Tilkomst og parkering

Frå Bjoavegen ved Innbjoa, ta av i kryss skilta til Dalen. Følg Eikåsvegen sørover dalen om lag 5 kilometer heilt fram til Eikås. I enden av vegen er det parkeringsplass og informasjonsskilt.

Om turen

Første del av turen går langs beite og vidare i fint skogsterreng, lett skrånande oppover dalen. Følg skogvegen heilt fram til Vikestølshytta. Halvvegs opp, på Høgerotten, er det utplassert bord med benker. Her er utsikt til Bjoavatnet og fjorden.

Vel framme ved hytta kan du nyta utsikta sørover dalen mot Eikesdal i Vats. Nistepakken kan du nyta inne i stova eller ute på terrassen i solveggen mot sør.

Frå Vikestølen kan du gå vidare mot nye turmål. Det er merka løype til Trollafjell (595 m.o.h.) og derfrå til Vikebygd. Du kan også gå ned til Vikebygd på skogsveg frå Vikestølen via Langavatnet. Merka løype sørover dalen viser veg til Eikesdal via Veldehytta i Vats. Vikestølen er også eit mykje brukt turmål i skisesongen.

Terreng

Skogsterreng i lett skrånande dal.

Avstand

Om lag 5,4 kilometer tur/retur.

Tidsbruk

Om lag 1,5 time tur/retur.

Vanskegrad

Turkart (PDF, 763 kB)

Ut.no

Anna:
Bjoa idrettslag og Vikebygd idrettslag er eigarar av hytta. Hytta står open for turgåarar, med moglegheit for overnatting.

Kulturminne:
Frå parkeringsplassen i Eikås og minnestøtta over «Arquebus» og «Bjoa-gjengen», er det også merka turløype til «Arquebus»-hytta. Dette er ein kortare tur på om lag 1 time tur/returpå sti. «Arquebus»-hytta var ei lita hytta der informantar som dreiv motstandsarbeid under andre verdskrigen møttest. Det ligg meir informasjon om «Arquebus-historien» inne i hytta for dei som er interessert

Forslag til fleire turmål frå Vikestølen:
Veldehytta

På veg til Vikestølen Ingrid Johannessen

Kolbeinshauglia 273 m.o.h. – tilrettelagt tur

Tilkomst og parkering

Ta av frå E 134 ved Ølensvåg og følg fylkesveg 543 til Bjoa. Etter om lag 15 kilometer, ta av i kryss skilta til Dalen. Følg kommunal veg sørover dalen om lag 4 kilometer fram til Eikåsbrua. Ta av på skogsbilveg til venstre før brua og følg denne om lag 1 kilometer opp til parkeringsplass. Ved parkeringsplassen er det informasjonsskilt.

Om turen

Start frå parkeringsplass i enden av skogsbilveg. Her er det informasjonstavle. Turløypa går i retning søraust,
gjennom Ølsdalen. Turen går i fint skogsterreng, lett skrånande innover dalen. Turen innover på skogbilvegen er ein flott familietur som både kan syklast, køyrast med barnevogn og rullestol.

Der vegen kryssar elva er det tilrettelagt rasteplass med bord og benker, om lag 1,5 kilometer frå parkeringsplass. Det er mogleg å gå vidare innover dalen, totalt 3 kilometer fram til nedstigninga mot Ølensvåg. For rullestolbrukarar er det vanskeleg å koma over brua.

Terreng

Skogsterreng i lett skrånande dal

Avstand

1,5 kilometer fram til rasteplass.

Tidsbruk

Om lag 40 minutt gange.

Vanskegrad

Tilrettelagt
Forklaring til fargekodane (PDF, 178 kB)

Turkart (PDF, 3 MB)

Andre turar i området:
Med same utgangspunkt kan du også gå tur til Gråhorgja,740 m.o.h. (sjå andre turmål på Bjoa) eller til Bukkanibba og Lempedalsfjellet (sjå andre turmål frå Ølensvåg) Begge desse løypene er merka.

Ingrid Johannessen

Trollafjell ca. 650 m.o.h. – frå Eikås (Bjoa)

Tilkomst og parkering

Ta av frå E 134 ved Ølensvåg og følg Fylkesveg 543 til Bjoa. Etter om lag 15 kilometer, ta av i kryss skilta til Dalen. Følg kommunal veg sørover dalen om lag 5 kilometer heilt fram til Eikås. I enden av vegen er det parkeringsplass og informasjonsskilt.

Om turen

Start frå parkeringsplassen i enden av vegen til Eikås. Her er informasjonstavle og skilt som viser veg. Turen går først i fint skogsterreng, lett skrånande oppover dalen. Du følgjer skogveg heile vegen fram til Vikestølshytta. Halvvegs oppe, på Høgerotten, er det utplassert bord med benker. Her er utsikt til Bjoavatnet og fjorden.

Frå Vikestølen er det merka sti vidare. Stien går bratt opp lia i starten. Når du har passert tregrensa, held stien fram i eit litt meir variert lende. På Trollafjell, som er vel 650 meter over havet, får du fin utsikt i alle retningar. Frå Trollafjell er det også merka løype til Trollanibba og ned til Vikebygd.

Terreng

Første delen av turen går på skogsveg i lett terreng, siste del på sti i brattare terreng.

Avstand

Om lag 9,6 km tur/retur

Tidsbruk

Om lag 3,5 timar tur/retur.

Vanskegrad

Turkart (PDF, 846 kB)