Reglar i symjehallen

Badeanlegget i Vindafjordhallen Kristine Thorsen Eikeland

Hygiene

• All bading skjer på eige ansvar. Foreldre/føresette skal passe på barna sine.
• Varsle badevakta dersom det er behov for assistanse ved personskade, ulykker eller brann.
• Alle må vaske heile kroppen og håret utan badetøy før ein går i badstu eller basseng. Bruk såpe.

Badstu

• Dusj før og etter bruk av badstu (dusj finst ved badstua).
• Skal du ikkje bade, må du vaske føtene med såpe før du går inn i bassengområdet.
• Personleg hygiene som barbering og negleklipping skal ikkje skje i garderobeområdet.

Helse og påkledning

• Personar med smittsame sjukdommar, opne sår, plaster eller bandasje har ikkje tilgang til symjehallen.
• Bruk badetøy! Undertøy er ikkje lov i bassenget.
• Langt hår skal vere i strikk eller under badehette.

Bassengområdet

• Stuping er berre tillate på den djupe delen av bassenget.
• Kun éin person om gongen i sklia. Barn under 7 år kan skli saman med ein vaksen.
• Springing, dytting, slåssing eller å dra andre under vatn er ikkje lov.
• Du må vere 12 år og kunne symje for å vere aleine i bassenget.

Barn og følgje

• Barn under 12 år må ha med ein vaksen, symjedyktig person over 18 år. Denne personen kan maks ha med 3 barn under 12 år.
• Barn under skulealder kan følgje ein vaksen inn i garderoben av motsett kjønn.
• Små barn og dei som brukar bleier må ha på tett badebleie.