Endring i rutinane for testing med sjølvtest og PCR-test

Raskt aukande smittetrykk og stor belastning på kommunar og laboratorier er årsaka til endringane som Helsedirektoratet har innført.

Alle som testar positivt på sjølvtest er anbefalt å registrera det via kommunen sitt elektroniske innmeldingsskjema. Dette er svært viktig for at kommunen skal ha oversikt over smittesituasjonen.

Hurtigtestar kan du henta på koronakontoret, Rådhusplassen 32 (gamle legevakta i Ølen). Hugs at den som hentar testane må vera symptomfri. Opningstida er 08.00-12.00 og 13.00-15.00 på kvardagar.

Desse skal ikkje bestilla PCR-test

Personar i gruppene under skal ikkje bestilla PCR-test etter positiv sjølvtest, men må straks etter gjennomført test melda inn resultatet i kommunen sitt elektroniske innmeldingsskjema.

• Personar som har mottatt ein tredje vaksinedose (oppfriskingsdose).
• Personar som har fått to dosar koronavaksine og deretter gjennomgått covid-19 i løpet av dei siste 3 månadane.

Meld inn positiv sjølvtest

Testar du positivt skal du isolera deg

Desse skal bestilla PCR-test

Bekreftande PCR-test eller bekreftande antigen hurtigtest til profesjonelt bruk vert tilrådd vidareført til følgande personar:

• Personar med primær eller sekundær immunsvikt, derunder organtransplanterte og immunsupprimerte.
• Barn og ungdom mellom 0-16 år.
• Uvaksinerte og delvaksinerte personar utan oppfriskingsdose som har behov for koronasertifikat.

Bestill time til test

Korleis registrera positiv sjølvtest

• Når du har klikka inn på elektronisk innmelding av sjølvtest, må du velja Vindafjord kommune. Kommunane står i alfabetisk rekkefølge, så du må skrolla ein stykke ned for å finna Vindafjord.
• Klikk deretter på pila til høgre for kommunenamnet og logg inn med bankID.

Har du ikkje bankID, eller ikkje får til å registrera den positive testen,

• send ein e-post til korona@vindafjord.kommune.no 
• eller ring koronatelefonen 53 65 60 34 mellom klokka 08.00-12.00 og 13.00-15.00 kvardagar.