På Vik skule blir tilbodet organisert på følgjande måte:
1. Det blir gitt tilbod om leksehjelp rett etter skuletid måndag, tysdag, onsdag og torsdag, 40 min.kvar dag (160 min. pr. veke).
2. Leksehjelpa blir i utgangspunktet gitt av fagarbeidar/assistent. Gruppestørrelsen vil vera på inntil 15 elevar pr.vaksen.
3. Ordninga med leksehjelp inneber ingen rett til skuleskyss. Me reknar med at me også skuleåret 2015-2016 får til ei ordning der skyssen går sørover og nordover anna kvar dag. Alle kan då nytte noko av leksehjelpa.
4. Dei som har meldt seg på leksehjelpa må levere melding dersom dei ikkje skal på leksehjelp.
5. Ein kan sei opp tilbodet om leksehjelp i løpet av skuleåret.
Som foreldre gjer de i dag eit svært verdifullt oppfylgingsarbeid med lekser! Dette er, og vil framleis vera,
”gull verdt” for borna dykkar!
Leksehjelpordninga kan vera ei hjelp og ei støtte i læringsarbeidet. Men i leksehjelptida er ein mange barn
pr. vaksen, og ein rekk som oftast ikkje å følje opp kvar enkelt elev på ein fullgod måte.
Foreldra bør sjå over og følgje opp leksene heime.