Planområdet
Planområdet ligg på Nerheim som ligg ca. 1 km frå Ølen, ca. 3 km frå Ølensvåg og ca. 6 km frå Sandeid, med tilkomst til næringsområdet frå fv. 514 Sandeidvegen. Endringa er avgrensa til felt N2 og del av NF3 i gjeldande plan. Planavgrensninga er på ca. 26,5 daa.
VarslingskartFormål
Formålet med planendringa er å konkretisera og opna for etablering av anlegg for biogassproduksjon frå mellom anna animalske biprodukt, fiskeslam, kjøkken- og matavfall, under dette; prosess for å utvinne bio-metan, bio-CO2, og ivareta biorest for omgjering til gjødsel for landbruket i fast/flytande form. Tiltaka er i tråd med gjeldande kommuneplan som synar Næringsformål for areala, og til dels i tråd med gjeldande reguleringsplan som synar lettare industri for areala. Ein foreslår at nytt formål blir industri, spesifisert for biogassanlegg.
Samfunnstryggleik og vurdering av konsekvensutgreiing
Ved utarbeiding av gjeldande reguleringsplan for Nerheim næringsområde (PlanID 1160-15-09) blei det gjennomført konsekvensutgreiing for relevante tema som naturressursar, landskapsbilete, trafikk og transport, kultur- og miljøverdiar, forhold til Eideelva og konsekvensar for næringsliv. Planområdet er i kommuneplanen avsett til næringsformål, og reguleringsplanen er utarbeidd i tråd med kategori C i Regionalplan for Haugalandet, der formål industri inngår.
I samband med planendringa for etablering av biogassanlegg er det, i samråd med Vindafjord kommune, gjort ei vurdering av tiltaket opp mot forskrift om konsekvensutgreiing. Det er vurdert at tiltaket ikkje fell inn under forskrifta, og at verknadene som blir introduserte gjennom planendringa blir tilfredsstillande handtert gjennom ei risiko- og sårbarheitsanalyse (ROS) med tilhøyrande støttedokumentasjon. ROS-analysen skal utformast med bakgrunn i eksisterande konsekvensutgreiing og inkluderer vurdering av potensielle miljøkonsekvensar som støy, utslepp til luft, vatn og grunn, lukt, trafikkbelastning og eksplosjonsfare. Dersom analysen avdekkjer behov for avbøtande tiltak, skal desse implementerast for å redusere påverknad på ytre miljø og sikre trygg drift.
Tiltakshavar i samråd med Vindafjord kommune har vurdert at ROS-analyse er det mest relevante verktøyet for å identifisere og handtere risiko og påverknad knytt til det konkrete tiltaket, og at dette er i samsvar med gjeldande plan- og bygningslov og forskrift om konsekvensutgreiing.
Medverknad
Saka varslast med 3 vekers frist i lokal avis Grannar og Haugesunds Avis og det blir lagt ut komplett varslingsmateriale på Vindafjord kommune si nettside, under dette; planavgrensing, oversiktskart, dagens gjeldande plan, planinitiativ, oppstartsmøtereferat og varselbrev.
Det vil bli føreteke utvida medverknad meir info om det kjem når saka blir lagt på høyring.
Eventuelle merknader til planendringa skal sendast innan 20.11.2025 til:
ARKIPELET AS, Pb 29, 5501 HAUGESUND eller på e-post: mona@arkipelet.no
Ved ytterlegare spørsmål kan ein venda seg til kontaktperson: Mona Fågelklo,
Mob. 41 36 70 96 eller E-post: mona@arkipelet.no
Vedlegg: