Vindafjord kommune har vedtatt Tiltaksstrategi for nærings- og miljøtiltak i skogbruket 2018-2021. Tiltaksstrategien gir ein oversikt over aktiviteten i kommunen innan hogst, planting, ungskogpleie og vegbygging og behov og mål for planting og ungskogpleie i perioden 2018-2021.

Vindafjord kommune er med i eit pilotprosjekt for å auke opptaket av CO2 og redusere global oppvarming ved planting av skog på nye areal. Tre bind CO2, og gir samstundes rein luft og viktig biomasse, som kan nyttast til produkt samfunnet treng. Det praktiske arbeidet med rydding og tilplanting av dei utvalde flatene for pilotprosjektet for klimaskog i Vindafjord er nå i gong. Om alt går som planlagt kan det bli planta om lag 550 dekar innanfor klimaskogprosjektet i Vindafjord før prosjektet vert avslutta i juni 2018.