Vindafjord bibliotek

TETTARE PÅ ODDNY!

Oddny Miljeteig vaks opp "på hi sio" av Åkrafjorden. Ho fyller 65 år i år og i samband med dette har journalist Kjersti Mjør skrive bok om Oddny sitt fargerike liv.
27.november kjem Oddny til Vindafjord bibliotek. Her kan me koma tettare på Oddny i samtale leia av bibliotekar Guri L. Ravatn.
Stikkord vert: Barndom, hybelbuar som 11-åring, aktivist i mållag og i SV, kreftsjukdom, Gudstru, adopsjon mm.
Her vert mykje å reflektera over og å kjenna seg igjen i, for alle.
Og, det vert truleg ikkje fritt for korkje tårer eller latter, som livet sjølv!
Boksal og signering. Gratis inngang. Kaffi, te og sjokolade.

 

 Tradisjonen tru samlar Vindafjord bibliotek lokalhistorisk interesserte i Grannar-distriktet til ei hyggeleg samkome, der sogeskrifta: «Årbok for Etne sogelag» og «Vindetreet» vert presentert. I år er dette måndag 2. des. Representantar frå bladstyra vil gje små og store innblikk i årets utgåve. Det vil bli høve til spørsmål, kommentarar og utveksling av erfaringar og idear.

Men, før sogeblada slepp til, blir det gladmusikk med Andy, Hogne og Kjell. Dei spelar folkemusikk på banjo, gitar, fløyte og fiolin og kan hende ennå meir?
Me gler oss veldig til å få friske tonar med oss inn i førjulstida.  

Når det i tillegg er gratis inngang, te, kaffi og julekaker - samt høve til å sikra seg ferske sogeblad - ligg alt til rette for ein kveld med hygge og nytte! Velkomne frå alle Grannar-bygder og fleire til!

 

 Møt andre over ein kopp kaffi eller te, snakk norsk, ha ei triveleg stund og bli kjend med andre! Passar for både norsk-språklege og deg med anna morsmål!

Torsdagar kl 12.30 - 14.00. Oppstart 14.11.19. Gratis. 

Kontaktinformasjon

Vindafjord bibliotek
Besøksadr.: Dreganesvegen 40 Postadr.: Pb 115,
5588 Ølen
E-post : vindafjord.bibliotek@vindafjor..
Telefon
: 53 65 58 60